وتاندىق بالالار كيىمىنىڭ Mimioriki برەندى جانە رەسەي, تمد ەلدەرىندەگى Disney كومپانياسى بالالارعا ارنالعان كيىم-كەشەكتىڭ جاڭا كوللەكتسياسىنىڭ ساتىلىمىنا مۇمكىندىك بەرەتىن ليتسەنزيالىق كەلىسىمگە قول قويدى. قازاقستاندىق ءونىمنىڭ ەۋروپاعا بەتالىسىنىڭ جاڭا ءبىر نىشانىنداي بولعان جاڭالىقتى بۇگىن ءوندىرىس باسشىلىعى جۋرناليستەرمەن ءبولىستى.
قازاقستان نارىعىندا ون جىلدان بەرگى ارالىقتا بالالار كيىمى وندىرىسىنە نەگىزدەلگەن كاسىپورىندا 180-نەن استام ادام جۇمىسپەن قامتىلعان. بىرنەشە وندىرىستىك جەلىدەن تۇراتىن كاسىپورىننىڭ جۇمىسىمەن تانىستىرعان Mimioriki كومپانياسىنىڭ باس ديرەكتورى يننا اپەنكو «Mimioriki كومپانياسى The Walt Disney Company ارنايى ازىرلەگەن حالىقارالىق ILS ەڭبەك ستاندارتىنىڭ سايكەستىگى بويىنشا الەۋمەتتىك اۋديتتەن ءساتتى ءوتتى. بۇل پروتسەدۋرا كەلىسىمگە قول قويۋدا مىندەتتى بولىپ سانالادى. بۇل – ءبىز ءۇشىن زور ماقتانىش ءارى اۋقىمدى سىن بولماق! ءبىر جاعىنان Disney-ءدىڭ جاھاندىق ۇلكەن تاريحىندا ءىزىمىزدىڭ بولاتىنىنا, سۇيىكتى كەيىپكەرلەر سۋرەتتەلگەن جانە ءبىزدىڭ اۋديتورياعا قازاق جانە ورىس تىلىندەگى ۇرانسوزدەر جازىلعان كيىم-كەشەكپەن بالالارعا شاتتىق سىيلايتىنىمىزعا قۋانىشتىمىز. ەكىنشى جاعىنان بۇل قادام ءبىزدىڭ كومپانيانىڭ ءار مامانى ءۇشىن وراسان زور ءوسىم بولارى داۋسىز. سەبەبى, Disney ستاندارتتارىنىڭ تالابى تىم جوعارى», دەپ اتاپ ءوتتى. «Mimioriki سەكىلدى نارىقتىڭ ءىرى ويىنشىسىمەن سەرىكتەستىك قازاقستاننىڭ تۇتىنۋشىلارىنا جەتۋ جولىندا رەسەي مەن تمد-داعى Disney كومپانياسى ءۇشىن ماڭىزدى كەزەڭ بولىپ وتىر. ەل ىشىنەن ورىن تاپقان بەيىلدى اۋديتورياسى مەن تولىققاندى وزىندىك وندىرىستىك تسيكلى بار ايرىقشا برەند تۇتىنۋشىلاردىڭ تالاپ-تىلەگىنە ساي كەلەرى ءسوزسىز. ءبىز بالالار مەن ولاردىڭ اتا-انالارىن قۋانتاتىن Mimioriki برەندىمەن بىرگە جاڭا كوللەكتسيالاردى قۇرۋ مۇمكىندىگىنىڭ پايدا بولعانىنا قۋانىشتىمىز», - دەيدى رەسەي مەن تمد-داعى Disney كومپانياسىنىڭ ليتسەنزيالاۋ جانە بولشەك ساۋدامەن جۇمىس دەپارتامەنتىنىڭ ديرەكتورى سەرگەي پيچۋگين.
كەلىسىمگە كەلە وتىرىپ Mimioriki بالالار كيىم-كەشەك ءوندىرىسىن 30% ارتتىرىپ, Disney كەيىپكەرلەرى سۋرەتتەلگەن 100 مىڭعا تارتا ءونىم شىعارۋدى كوزدەيدى. Disney كلاسسيكاسىنداعى العاشقى كوللەكتسيالار – تەڭدەسسىز ميككي مەن مينني 2020 جىلدىڭ 1 ساۋىرىندە ساتىلىمعا شىعادى. بۇكىل جاڭا ءونىم قازاقستان اۋماعىندا ساتىلاتىن بولادى. قازىرگى تاڭدا Mimioriki قازاقستاندا فرانشيزا بويىنشا 4 جەكە جانە 11 اشىق دۇكەنگە يە. ءار ماۋسىمدا 9-10 كوللەكتسيا نەمەسە 450 بىرەگەي مودەل شىعارادى. Disney ليتسەنزيالىق كيىمى Mimioriki برەندىنىڭ بارلىق فيرمالىق دۇكەندەرىندە, برەندتىڭ سەرىكتەس دۇكەندەرىندە, مامانداندىرىلعان بالالار بولشەك ساۋداسى مەن ونلاين ماركەت-پلەيستاردا ساۋداعا قويىلادى.
قازىرگى تاڭدا «MIMIORIKI» قازاقستان نارىعىندا زور تابىسقا يە بولىپ, مويىندالىپ, بەلسەندى تۇردە ءوسىپ-وركەندەۋ ۇستىندە. برەند كوللەكتسيا جەلىسىندە ۇلتتىق ناقىشتاعى Sport.kz سپورتتىق كيىم-كەشەك جەلىسىنە جەكە ءارى ماڭىزدى الەۋمەتتىك ءرول بەرىلىپ وتىر. برەند وسىلايشا بالالار سپورتىن دامىتۋعا, سالاۋاتتى ءومىر سالتىن نىعايتىپ, ءپاتريوتيزمدى ۇشتاۋعا, ءوز ەلىنە دەگەن ماقتانىشتى وياتۋعا مۇمكىندىك الۋدا.
الماتى