قوستاناي وبلىسىنىڭ سىبايلاس جەمقورلىققا قارسى ءىس-قيمىل دەپارتامەنتى كوپشىلىككە ناۋرىز ايىنداعى مەرەكە كۇندەرى قارساڭىندا ءوزارا تارتۋ-تارالعى الماسۋ ءتارتىبىن ءتۇسىندىردى.
وسىعان بايلانىستى وتكەن ءباسپاسوز جيىنىندا «اntikor Ortalygy» ماماندارى سىبايلاس جەمقورلىقتىڭ الدىن الۋ جانە قوعامدا ادەپ قاعيدالارىن قالىپتاستىرۋ ماسەلەلەرى جونىندە ءسوز ەتتى. جيىنعا مەملەكەتتىك ۇيىمداردىڭ, سونىمەن قاتار كۆازيمەملەكەتتىك سەكتوردىڭ وكىلدەرى قاتىستى.
بۇل ەڭ الدىمەن سىبايلاس جەمقورلىقتىڭ الدىن الۋعا جانە قوعامدا پاراساتتىلىق قاعيدالارىن قالىپتاستىرۋعا باعىتتالعان باستاما. «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭىنا سايكەس مەملەكەتتىك قىزمەتكەرلەرگە وزدەرىنىڭ مەملەكەتتىك نەمەسە سوعان تەڭەستىرىلگەن فۋنكتسيالارىن اتقارۋعا بايلانىستى قىزمەت بابىندا وزدەرىنە مەملەكەتتىك قىزمەتشىلەردەن جانە وزگە ادامداردان سىيلىقتاردى نەمەسە كورسەتىلەتىن قىزمەتتەردى قابىلداۋىنا تىيىم سالىنادى. سىيلىق العان فاكتىلەر انىقتالعان جاعدايدا سىيلىقتاردى ارنايى مەملەكەتتىك قورعا جەتى كۇن ىشىندە تاپسىرۋ قاجەتتىگىن مەملەكەتتىك قىزمەتشىلەردىڭ نازارىن اۋدارامىز. بۇلاي بولماعان جاعدايدا مەملەكەتتىك قىزمەتشىلەر تارتىپتىك, اكىمشىلىكتىك, ءتىپتى, قىلمىستىق جاۋاپكەرشىلىككە دەيىن تارتىلادى, - دەدى سىبايلاس جەمقورلىقتىڭ الدىن الۋ باسقارماسىنىڭ باسشىسى رۇستەم بولات.
باسقارما باسشىسىنىڭ ايتۋىنشا, ەگەر سىيلىقتىڭ قۇنى 2 ايلىق ەسەپتىك كورسەتكىشتەن (1اەك – 2651تەڭگە) جوعارى بولسا, سىيلىق بەرگەن ادامعا 200 ايلىق ەسەپتىك كورسەتكىش مولشەرىندە (530200 تەڭگە) اكىمشىلىك ايىپپۇل قاراستىرىلعان. ال سىيلىق العان قىزمەتكەرگە 600 ايلىق ەسەپتىك كورسەتكىش (1 590 600 تەڭگە) ايىپپۇل سالىنادى. ال ودان جوعارى سوما پارا بولىپ ەسەپتەلىپ, سىي-سياپات جاساۋشى مەن ونى الۋشى قىلمىستىق جاۋاپكەرشىلىككە تارتىلادى.
قوستاناي