IQala قالالىق قىزمەت كورسەتۋ ورتالىعىنىڭ جۇمىسى قارقىندى دامىپ كەلەدى. 2020 جىلدىڭ العاشقى ءۇش ايىندا 5 مىڭنان استام قىزمەت كورسەتىلگەن. ورتالىق قىزمەتكەرلەرى مۇنى ەڭ الدىمەن قىزمەت تۇرلەرىنىڭ ءتىزىمىن كەڭەيتۋمەن جانە پروتسەستەردى اۆتوماتتاندىرۋمەن بايلانىستىرادى. وسى ۋاقىت ىشىندە «استانا-ەرتس» جشس جانە «Clean City NC» جشس - قىزمەتتەرى ەرەكشە سۇرانىسقا يە بولدى (1 336 جانە 1 107 رەت قىزمەت كورسەتىلگەن). بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
پايدالانۋشىلاردىڭ ىڭعايلىلىعى ءۇشىن iQala-دا قولجەتىمدى قىزمەت تۇرلەرىنىڭ ءتىزىمى پورتالدىڭ باستى بەتىندە ورنالاستىرىلعان www.iqala.kz. بۇل تىزىمدە 129 قىزمەت ءتۇرى بار. IQala ورتالىعى «استانا-ەرتس» جشس, «استانا ەنەرگوسبىتوۆايا كومپانيا» جشس, «Clean City NC» جشس, «استانا سۋ ارناسى» مكك, «استانا - تەپلوترانزيت» اق, «استانا – رەك» اق, «SPK Astana Development» جشس سياقتى كومپانيالاردىڭ قىزمەتتەرىن بىرىكتىردى.
ورتالىق قىزمەتكەرلەرى ەلەكتروندىق تۇردە پورتالدا, سونداي – اق ادەتتەگى رەجيمدە-ر. قوشقارباەۆ كوشەسى, 29 مەكەنجايى بويىنشا فرونت-كەڭسەدە قىزمەت كورسەتەدى. iQala ورتالىعىندا دەرەكتەر بازاسىن ينتەگراتسيالاۋ ەسەبىنەن «ەرتس تۇبىرتەگىن قايتا بەرۋ» قىزمەتىن الۋ اۆتوماتتاندىرىلعان. جەكە كابينەتكە تۇبىرتەك دەرەۋ كەلەدى. سونداي-اق «استاناەنەرگوسبىت», «قازاقتەلەكوم» اق قىزمەتتەرى جانە «استانا سۋ ارناسى» مكك تەحنيكالىق شارتتاردى الۋ بويىنشا قىزمەتتەر اۆتوماتتاندىرىلدى. سونداي - اق اۆتوماتتى رەجيمدە "استانا – تەپلوترانزيت» اق, «استانا-رەك» اق تەحنيكالىق شارتتارىن الۋعا بولادى.