پرەمەر-ءمينيستردىڭ ورىنباسارى رومان سكليار ەۋروپالىق بيزنەس قاۋىمداستىعىنىڭ وكىلدەرىمەن كەزدەسۋ بارىسىندا ەلدىڭ قولايلى ينۆەستيتسيالىق احۋالى تۋرالى ايتىپ, ينۆەستورلارعا ەكونوميكانىڭ ءتۇرلى سەكتورلارىندا: تۋريزم, تسيفرلىق ەكونوميكا, دەنساۋلىق ساقتاۋ, ينفراقۇرىلىم جانە ت. ب. سالالاردا جاڭا مۇمكىندىكتەر بەرۋ ماسەلەلەرىن تالقىلادى. بۇل تۋرالى primeminister.kz حابارلادى.
كەزدەسۋدە قازاقستان ەكونوميكاسىنىڭ 2019 جىلى 4,5%-عا وسكەنى, ال شيكىزاتتىق ەمەس سەكتورعا ساپالى شەتەلدىك ينۆەستيتسيالاردى تارتۋ قر ۇكىمەتىنىڭ باسىم مىندەتتەرىنىڭ ءبىرى ەكەنى اتاپ ءوتىلدى.
ءوز كەزەگىندە شەتەلدىك دەلەگاتسيانىڭ باسشىسى يوحان ۆاندەرپلاەتسە ‒ ەۋروپالىق بيزنەس قاۋىمداستىعىنىڭ باسقارما توراعاسى, رەسەي مەن تمد-داعى Schneider Electric پرەزيدەنتى الەمدەگى ەنەرگيا تۇتىنۋدىڭ وزگەرمەلى قۇرىلىمى اياسىندا قازاقستان ەكونوميكاسىن ءارتاراپتاندىرۋ ماسەلەلەرىنىڭ وزەكتىلىگىن اتاپ ءوتتى.
سونىمەن قاتار بيزنەس وكىلدەرى يندۋستريا 4.0, جاسىل ەكونوميكا, تۇراقتى دامۋ, قر-داعى ەلەكتر كولىگى ينفراقۇرىلىمىن, ونىڭ ىشىندە تەحنولوگيالار ترانسفەرتى جانە جەرگىلىكتەندىرۋ ارقىلى قولداۋ بويىنشا مەملەكەتتىك باعدارلامالار مەن باستامالارعا قاتىسۋ مۇمكىندىگىن قاراستىردى.