«دەنساۋلىق شاڭعى جولى-2020» دەپ اتالاتىن بۇقارالىق سپورت فەستيۆالىنىڭ العاشقى ەكى كەزەڭى بۇعان دەيىن وبلىستىڭ بارلىق وڭىرىندە اۋىلدىق, اۋداندىق, قالالىق دەڭگەيدە وتكەن.
بۇل كەزەڭدەگى سپورت شارالارى وقۋ ورىندارىندا, مەكەمەلەردە, اسكەري بولىمدەردە, اۋىلدىق وكرۋگتەردە, قاڭتار-اقپان ايلارىندا ۇيىمداستىرىلعان بولاتىن. ىرىكتەۋ كەزەڭدەرىنەن وتكەن ۇزدىك كوماندالار قوستانايدا وتكەن قورىتىندى جارىستا باق سىناستى. سپورتتىق شارانىڭ بەيرەسمي باعدارلاماسى بويىنشا وتكەن اشىق سايىستار دا كوپشىلىك قىزىعۋشىلىعىن تۋعىزدى. اياققا شاڭعى بايلاپ, شاماسىن بايقاپ كورگىسى كەلگەن اۋەسقويلار 1 شاقىرىم قاشىقتىققا جۇگىردى.
شاڭعى سپورتىن سەرىك ەتكەنىمە جارتى عاسىردان استى. قىس تۇسە, قالا سىرتىنا شىعىپ شاڭعىمەن سەرۋەندەگەندى ۇناتامىن. بۇل ءبىر عاجاپ دۇنيە عوي. تازا اۋادا ەركىن تىنىستاپ, ايازدىڭ جىلۋىن سەزىنەسىڭ. اپپاق الەمگە بويلاپ, قاناتتاناسىڭ. بۇگىنگى شاراعا نەمەرەمدى دە ەرتىپ كەلدىم, - دەيدى رۋدنىيلىق زەينەتكەر ناتاليا گيريك.
شاڭعى فەستيۆالىنىڭ بارلىق كەزەڭدەرىن ەسەپتەگەندە, سپورتتىق شاراعا 10 مىڭنان استام وبلىس تۇرعىنى قاتىستى, - دەيدى ۇيىمداستىرۋشىلار.
قوستاناي