• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
قازاقستان 02 ناۋرىز, 2020

قىتايدان 480 قازاقستاندىق ەۆاكۋاتسيالاندى

181 رەت
كورسەتىلدى

سىرتقى ىستەر ءمينيسترى مۇحتار تىلەۋبەردى ءوز كەزەگىندە سىرتقى ىستەر مينيسترلىگى جەدەل شارالاردى قابىلداۋ ماقساتىندا كوروناۆيرۋستىق ينفەكتسيانىڭ تارالۋىنا قاتىستى احۋالدى ەرەكشە باقىلاۋدا ۇستاپ وتىرعانىن ايتتى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ماسەلەن, كوروناۆيرۋس ينفەكتسياسىنىڭ تارالۋى بويىنشا ەپيدەميولوگيالىق قاۋپى جوعارى ەلدەردەگى شەتەلدىك مەكەمەلەرىمىزدە جەدەل شتابتار قۇرىلدى, ءبىزدىڭ ازاماتتاردى ەۆاكۋاتسيالاۋ بويىنشا ءىس-ارەكەتتەر الگوريتمدەرى قابىلداندى جانە كونسۋلتاتسيالار بەرۋ ماقساتىندا «جەدەل جەلىلەر» اشىلدى.

بۇگىنگى تاڭدا قىتايدان 480 قازاقستاندىق ەۆاكۋاتسيالاندى. قىتايمەن تۇراقتى اۋەرەيستەرى, جاياۋ ءجۇرۋ بەكەتتەرى, تەمىر جول/اۆتوموبيل جولاۋشى تاسىمالى توقتاتىلدى. 2020 جىلعى 3 اقپاننان باستاپ قىتايداعى بارلىق شەتەلدىك ازاماتتارعا ۆيزا بەرۋ توقتاتىلدى.

بيىلعى 5 ناۋرىزدان باستاپ ازەربايجانمەن اۋە رەيستەرى قىسقارادى جانە يران ازاماتتارىنىڭ قازاقستانعا كىرۋىنە تىيىم سالىنادى.

ء«بىزدىڭ ازاماتتارعا ەپيدەميولوگيالىق قاۋپى جوعارى ەلدەرگە ساپار شەگۋدەن قالىس قالۋ ۇسىنىلدى», — دەدى م. تىلەۋبەردى.

قولدا بار مالىمەتتەر بويىنشا, اتالعان ەلدەردە 95 مىڭنان استام ازاماتتارىمىز بار, ونىڭ ىشىندە 35 مىڭى كورەيادا, 40 مىڭى – امەريكا قۇراما شتتاتارىندا, 5100 – بىرىككەن اراب امىرلىكتەرىندە, 5000 – گەرمانيادا, 3000 – ۇلىبريتانيادا, 1800 – يتاليادا, 1000 – فرانتسيادا. ولاردىڭ باسىم بولىگى — ستۋدەنتتەر, ەڭبەك ميگرانتتارى, شەتەلدەگى مەكەمەلەردىڭ قىزمەتكەرلەرى جانە ولاردىڭ وتباسى مۇشەلەرى, تۋريستەر مەن بيزنەسمەندەر.

«ەپيدەميولوگيالىق احۋال ۋشىققان جاعدايدا, قازاقستاندىق ازاماتتاردى ەۆاكۋاتسيالاۋ ماسەلەسى دەر كەزىندە قاراستىرىلاتىن بولادى. بۇگىنگى تاڭدا شەتەلدەگى قازاقستان ازاماتتارىنىڭ اراسىندا كوروناۆيرۋسپەن اۋىرعان جاعدايلاردىڭ تىركەلمەگەنىن ەرەكشە اتاپ وتكەن ءجون», — دەدى سىرتقى ىستەر ءمينيسترى. 

كوروناۆيرۋس ينفەكتسياسىنىڭ تارالۋى بويىنشا ەپيدەميولوگيالىق قاۋپى جوعارى ەلدەردەگى احۋالعا, سونداي-اق مەملەكەتتەردىڭ كوروناۆيرۋستىڭ تارالۋىنا جول بەرمەۋ بويىنشا شەكتەۋ شارالارىنا مونيتورينگ جانە تالداۋ جۇرگىزىلۋدە.

جاسالعان تالداۋ كورسەتىپ وتىرعانداي, شەت ەلدەر كەلەسى شەكتەۋ شارالارىن قابىلداۋدا:

- حالىقارالىق وتكىزۋ پۋنكتتەرىندە جانە الەۋمەتتىك ماڭىزى بار نىسانداردا سانيتارلىق-كارانتيندىك باقىلاۋدى كۇشەيتۋ;

- قاۋپى بار ەلدەرمەن ۆيزالىق رەجيمدى ءىشىنارا نەمەسە تولىق توقتاتۋ, ءتىپتى مەملەكەتتىك شەكارانى جابۋ;

- اۆياتسيالىق, تەمىرجول جانە اۆتوموبيلدىك جولاۋشىلار قاتىناستارىن قىسقارتۋ جانە مۇلدەم توقتاتۋ;

- ۋاقىتشا ەپيدەميولوگيالىق ورتالىقتار جانە گوسپيتالدار سالۋ;

-  قوعامدىق-بۇقارالىق جانە حالىقارالىق ءىس-شارالاردى توقتاتۋ.

«سونىمەن قاتار ەپيدەميانىڭ ەكونوميكا مەن جەكە بيزنەسكە تەرىس اسەرىن بولدىرماۋ بويىنشا شەتەلدىك مەملەكەتتەر الدىن الۋ شارالار قابىلدانۋدا. مينيسترلىك وسى باعىتتاعى جۇمىستى جالعاستىرادى», — دەدى م. تىلەۋبەردى.

سوڭعى جاڭالىقتار