مەملەكەتتىك ورتالىق مۋزەيى 6 ناۋرىز كۇنى ساعات 10.00 «بايتەرەك» حالىقارالىق مەكتەپ-ليتسەيىمەن بىرلەسىپ, 8ناۋرىز حالىقارالىق ايەلدەر كۇنىنە وراي «ايەلدەر قاۋىمىن بۇكىل الەم قۇتتىقتايدى» ءىس-شاراسىن وتكىزەدى.
وقۋشىلاردىڭ شىعارماشىلىعىن دامىتۋ, ءوزارا قارىم-قاتىناس ورناتۋ, ەلىمىزدىڭ تاريحى جانە مادەنيەتىمەن تانىستىرۋ, سونداي-اق ءاربىر ۇيدىڭشامشىراعى – اناعا, جالپى ايەلگە دەگەن قۇرمەتتى قالىپتاستىرۋدى ماقسات ەتەتىن ءىس-شارا اياسىندا «كوكتەم كەرەمەتى» مەكتەپ قاتىسۋشىلارىنىڭ شىعارماشىلىق جۇمىستار كورمەسى, «ايەلدەر قاۋىمىن بۇكىل الەم قۇتتىقتايدى» اتتى قۇتتىقتاۋ كونتسەرتى, «دانكو» قويىلىمىنىڭ كورىنىسى, مۋزەي بويىنشا تاقىرىپتىق ەكسكۋرسيالار وتەدى.
«بايتەرەك» مەكتەپ-ليتسەيى مەملەكەتتىك ستاندارت پەن وكسفورد ءبىلىم بەرۋ باعدارلاماسىنىڭ (پاندەردى اعىلشىن تىلىندە وقىتىلادى) تالاپتارىنا سايكەس ازىرلەنگەن وقۋ باعدارلاماسى بويىنشا جۇمىس ىستەيتىن جاڭا ۇلگىدەگى ءبىلىم بەرۋ مەكەمەسى ءبىلىمدى دامىتۋعا عانا ەمەس, سونىمەن قاتار وقۋشىلاردىڭ ويلاۋ جۇيەسىن, وي-ءورىسىن كەڭەيتۋ ماقساتىندا ءتۇرلى ءىس-شارالارعا(بايقاۋ, كەسكىندەمە كورمەلەرىنە) قاتىستىرۋدى ماقسات ەتەدى. اتالعان مەكتەپتىڭ مۇمكىندىگى انتاليا (تۇركيا), سانكت-پەتەربۋرگ (رەسەي), بىرىككەن اراب امىرلىكتەرىندەگى امەريكا ۋنيۆەرسيتەتىنىڭ وليمپيادالارىنا قاتىسۋعا مۇمكىندىك بەرەدى. 2018 جىلدان يۋنەسكو-نىڭ قاۋىمداستىرىلعان مەكتەپتەرى كلۋبىنىڭ تولىققاندى مۇشەسى.
كورمە اعىمداعى جىلدىڭ 9 ناۋرىزىنا دەيىن جالعاسادى.