«جولاۋشىلار تاسىمالى» اق جولاۋشىلار پويىزدارىنداعى قىزمەت كورسەتۋدى جاقسارتۋ جانە جاڭا باعىتتار اشۋ جونىندەگى جۇمىستارىن ودان ءارى جالعاستىرۋدا.
«جولاۋشىلار تاسىمالى» اق جولاۋشىلار پويىزدارىنداعى قىزمەت كورسەتۋدى جاقسارتۋ جانە جاڭا باعىتتار اشۋ جونىندەگى جۇمىستارىن ودان ءارى جالعاستىرۋدا.
وسىلايشا, ۇستىمىزدەگى جىلدىڭ 22 تامىزىندا استانا ۆوكزالىنان استانا – اتىراۋ باعىتىنداعى №19/20 «اتىراۋ» جۇردەك پويىزى اتتاناتىن بولادى. ول بىرىڭعاي «تۇلپار-تالگو» ۆاگوندارىنان جاساقتالادى.
پويىز ءتورت كۇندە ءبىر رەت جۇرەدى. جولعا كەتەتىن ۋاقىتى استانادان اتىراۋعا دەيىن 22 ساعات 57 مينۋتتى, ال كەيىن قاراي 22 ساعات 15 مينۋتتى قۇرايدى. پويىز قۇرامىندا 27 ۆاگون بار, ولاردىڭ 22-ءسى جولاۋشىلارعا ارنالعان. ول ۆاگونداردىڭ ەكەۋى «گراند» كلاسىندا (ەكى ورىندىق ليۋكس), ەكەۋى «بيزنەس» كلاسىندا (ەكى ورىندىق) جانە 18 ۆاگون «تۋريست» كلاسىندا ء(تورت ورىندىق ەكونومكلاسس), سونىمەن بىرگە 3 تەحنيكالىق, ءبىر ۆاگون-رەستوران جانە ءبىر ۆاگون-بار جولاۋشىلارعا قىزمەت كورسەتەدى. «گراند» كلاسىنداعى ۆاگونداردىڭ بىرىندە مۇمكىندىكتەرى شەكتەۋلى جولاۋشىلارعا ارنالعان كۋپە قاراستىرىلعان.
وسى ورايدا ۆاگونداردىڭ «جولاۋشىلار تاسىمالى» اق-تىڭ جىلجىمالى قۇرامىن جاڭارتۋ جانە تەحنيكالىق رەسۋرسىن ارتتىرۋ باعدارلاماسى شەڭبەرىندە ساتىپ الىنعانىن دا ايتا كەتۋ كەرەك. وسىعان سايكەس زاۋىت بولاشاقتا, ياعني 2014 جىلعا دەيىن 420 جولاۋشىلار ۆاگونىن قۇراستىراتىن بولادى.
«ەگەمەن-اقپارات».