كەشە قورشاعان ورتانى قورعاۋ ءمينيسترى نۇرلان قاپپاروۆ جۇمىس بابىمەن قىزىلوردا وبلىسىندا بولدى.
كەشە قورشاعان ورتانى قورعاۋ ءمينيسترى نۇرلان قاپپاروۆ جۇمىس بابىمەن قىزىلوردا وبلىسىندا بولدى.
بايقوڭىر قالاسىندا پرەمەر-مينيستر سەرىك احمەتوۆتىڭ وكىمىمەن قۇرىلعان رەسەيلىك «پروتون-م» زىمىران تاسىعىشىنىڭ قۇلاۋ سالدارىنىڭ ەكولوگيالىق زارداپتارىن جويۋ جونىندەگى ءىس-شارالاردىڭ ءوتكىزىلۋىن باقىلاۋ جونىندەگى كوميسسيانىڭ باسشىسى بولىپ تابىلاتىن نۇرلان قاپپاروۆ قىزىلوردا وبلىسىنىڭ اكىمى قىرىمبەك كوشەرباەۆتىڭ, «روسكوسموس» باسشىلارىنىڭ, سونداي-اق, ورتالىق جانە جەرگىلىكتى اتقارۋشى ورگاندار وكىلدەرىنىڭ قاتىسۋىمەن كوشپەلى كەڭەس وتىرىسىن وتكىزدى.
گەپتيلمەن لاستانعان جەرلەردى زالالسىزداندىرۋ بويىنشا قازاقستاندىق جانە رەسەيلىك مامانداردىڭ بىرلەسىپ وتكىزگەن جۇمىستارىنىڭ بارىسى تۋرالى «روسكوسموس» اگەنتتىگىنىڭ بايقوڭىر عارىش ايلاعىنداعى باسقارما باستىعى اناتولي بەلوكون جانە قر ۇلتتىق عارىش اگەنتتىگىنىڭ «عارىش ەكولوگيا عزو» رمك ديرەكتورى جايلاۋباي جۇباتوۆ باياندادى.
ن.قاپپاروۆ اۋماقتى زالالسىزداندىرۋ جۇمىستارىنىڭ قارقىنى مەن ناتيجەلەرىنە ريزا ەمەستىگىن ءبىلدىردى. روسكوسموستىڭ وكىلى دەتوكسيكاتسيالاۋدى اياقتاۋعا 15 كۇن سۇرادى.
سونىمەن قاتار مينيستر زىمىران تاسىعىشتارىنىڭ قۇلاۋى سالدارىنىڭ ەكولوگياعا جانە بايقوڭىر مەن عارىش ايلاعىنا تاياۋ ورنالاسقان ەلدى مەكەندەر تۇرعىندارىنىڭ دەنساۋلىعىنا كەلتىرىلگەن زياننىڭ اسەرىن انىقتاۋ شارالارىنىڭ جالعاستىرىلاتىندىعىن ايتتى. وسىعان وراي ول بايقوڭىردا قازاقستاننىڭ ەكولوگيالىق كودەكسىنىڭ قولدانىلۋى ماسەلەلەرى جونىندەگى كەلىسسوزدەردى ۇدەتۋ قاجەتتىگىن اتاپ ءوتتى.
وتىرىس بارىسىندا قىزىلوردا اكىمشىلىگى تاراپىنان «پروتون-م» زىمىران تاسىعىشتارىن ۇشىرۋعا بايلانىستى ماسەلەلەردى قاراستىرۋعا باعىتتالعان كونفەرەنتسيا ء(دوڭگەلەك ۇستەل) وتكىزۋ تۋرالى ۇسىنىس جاسالدى. ن.قاپپاروۆ بۇل باستامانى قولداپ, روسكوسموس وكىلدەرىن ەكى تاراپ ءۇشىن ماڭىزى زور ماسەلەلەردى جان-جاقتى تالقىلاۋعا قاتىسۋعا شاقىردى.
«ەگەمەن-اقپارات».