مەملەكەتتىك كىرىستەر كوميتەتى جەكە جانە زاڭدى تۇلعالارعا ەلەكتروندىق سالىق تولەۋشى رەتىندە تىركەلۋ كىلتىن بەرۋ پروتسەدۋراسىن توقتاتتى, دەپ حابارلادى كوميتەتتىڭ ءباسپاسوز قىزمەتى.
ەندى قازاقستاندىقتار ۇلتتىق كۋالاندىرۋشى ورتالىقتىڭ ەلەكتروندىق تسيفرلىق قولتاڭباسىن «ەلەكتروندى ۇكىمەت» پورتالىنان نەمەسە تۇرعىلىقتى مەكەنجايى بويىنشا حالىققا قىزمەت كورسەتۋ ورتالىقتارىنان الادى. ال, بۇعان دەيىن بەرىلگەن قم مكك ەلەكتروندىق سالىق تولەۋشى رەتىندە تىركەلۋ كىلتى جارامسىز دەپ تانىلادى, - دەلىنگەن تاراتىلعان حابارلامادا.
ۇلتتىق كۋالاندىرۋشى ورتالىق جەكە تۇلعالارعا, زاڭدى تۇلعالارعا, قر رەزيدەنتى ەمەس تۇلعالارعا ەلەكتروندىق تسيفرلىق قولتاڭبا مەن SSL تەحنيكالىق سەرتيفيكاتىن بەرەدى. ايتا كەتەيىك, ەلەكتروندىق تسيفرلىق قولتاڭبا بارلىق مەملەكەتتىك قىزمەتكەرلەرگە تابىسى مەن مۇلكى دەكلاراتسياسىن تاپسىرۋ ءۇشىن قاجەت.
2020 جىلدىڭ 1 قاڭتارىنا دەيىن 619 295 زاڭدى جانە جەكە تۇلعادا مەملەكەتتىك كىرىستەر ورگاندارىنىڭ ەلەكتروندىق سالىق تولەۋشى رەتىندە تىركەلۋ كىلتى بولعان.
الماتى