اتىراۋ وبلىسىنىڭ اكىمدىگى اۋعان سوعىسى ارداگەرلەرىنىڭ جەسىرلەرىنە قامقورلىق كورسەتۋگە كاسىپورىنداردى تارتۋدى قولعا الدى. وسىعان وراي, وبلىس اكىمىنىڭ ورىنباسارى شىڭعىس مۇقان مەن الەۋەتتى كاسىپورىندار باسشىلارى اۋعان سوعىسى ارداگەرلەرىنىڭ جەسىرلەرىنە كومەك كورسەتۋ ءۇشىن ارنايى مەموراندۋمعا قول قويدى.
اتىراۋ وبلىسىنىڭ اكىمدىگى اۋعان سوعىسى ارداگەرلەرىنىڭ جەسىرلەرىنە قامقورلىق كورسەتۋگە كاسىپورىنداردى تارتۋدى قولعا الدى. وسىعان وراي, وبلىس اكىمىنىڭ ورىنباسارى شىڭعىس مۇقان مەن الەۋەتتى كاسىپورىندار باسشىلارى اۋعان سوعىسى ارداگەرلەرىنىڭ جەسىرلەرىنە كومەك كورسەتۋ ءۇشىن ارنايى مەموراندۋمعا قول قويدى.
– اۋعان سوعىسى ارداگەرلەرىنىڭ جەسىرلەرىنە, وتباسىلارىنا كومەك كورسەتۋگە بىرقاتار كاسىپكەرلەرگە ۇسىنىس جاساعان ەدىك. ءسويتىپ, ءار مەكەمەگە ءبىر وتباسىدان بەكىتتىك. كومپانيالار ءبىزدىڭ ۇسىنىسىمىزعا قولداۋ تانىتتى, – دەدى شىڭعىس مۇقان. – وڭىردەگى سوعىس ارداگەرلەرىنە قامقورلىق جۇيەلى تۇردە كورسەتىلىپ, وسى ماقسات ءۇشىن جەرگىلىكتى بيۋدجەتتەن قوماقتى قاراجات ءبولىنىپ كەلەدى. سونىڭ ىشىندە 500-دەن استام اۋعان سوعىسى ارداگەرلەرىنىڭ اربىرىنە اي سايىن كومەك رەتىندە كوممۋنالدىق قىزمەتتەرگە 3158 تەڭگە كولەمىندە وتەماقى تولەنەدى. وبلىس اكىمى ب.ىزمۇحامبەتوۆتىڭ تاپسىرماسىمەن قىركۇيەك ايىنان باستاپ, ونىڭ مولشەرى 10 مىڭ تەڭگەگە وسىرىلەدى. وعان جەرگىلىكتى بيۋدجەتتەن قوسىمشا 12,2 ملن. تەڭگە قارجى ءبولىنىپ وتىر.
بيزنەستىڭ الەۋمەتتىك جاۋاپكەرشىلىگى شەڭبەرىندە التى وتباسىنا دەمەۋشىلىك كورسەتۋ ءۇشىن مەموراندۋمعا «نەفتەسترويسەرۆيس», «سەنىمدى قۇرىلىس», «الەم گرۋپپ قازاقستان», «Enertech», «تويەس», «رينا سەرۆيسەس ەس-پي-ەي» جشس وكىلدەرى قول قويدى. ەندى بۇل كاسىپورىندار وزدەرىنە بەكىتىلگەن وتباسىلارعا دەمەۋشىلىك جاساۋدى باستاماق.
بۇدان بولەك اۋعانستاندا قازا تاپقان ينتەرناتسيوناليست جاۋىنگەرلەرگە ارنالعان ەسكەرتكىشتى اتىراۋ قالاسىنىڭ ورتالىق ساياباعىنا ورناتۋ كوزدەلىپ وتىر. ەسكەرتكىشتىڭ ساياسي ماعىنا بەرەتىن ەرەكشەلىكتەرى بار. بىرىنشىدەن, جوعارعى الاڭداعى 10 باسپا – 10 جىلعا سوزىلعان (1979-1989ج.ج.) سوعىستى بىلدىرەدى. ەكىنشىدەن, اق اركا سيلۋەتى, بيىكتىگى 9 مەتردى قۇرايتىن بىتەۋ جار – اۋعانستانداعى شىڭ-شاتقالداردىڭ جيەگىن, كەڭەس اسكەرلەرى جانىن پيدا ەتكەن ەلدىڭ مەكەنجاي سيمۆولىن ءبىلدىرەدى. ۇشىنشىدەن, قورعانىس شەڭبەرىندەگى ەكى اسكەردىڭ قولا ءمۇسىنى – جات ەلدە قالىپ قويعان جىگىتتەردىڭ تاعدىرىن بەينەلەيدى. ءتورتىنشىدەن, دەكوراتيۆتىك جاردا حابار-وشارسىز كەتكەن جانە قازا تاپقانداردىڭ اتتارى كورسەتىلگەن قولا جازبالار, سونىمەن قاتار, قازاق جانە ورىس تىلدەرىندەگى ينتەرناتسيوناليست جاۋىنگەرلەردىڭ اتتارىنا ەسكەرتكىش تاڭبا قاراستىرىلعان.
جولداسبەك شوپەعۇل,
«ەگەمەن قازاقستان».
اتىراۋ وبلىسى.