الەۋمەتتىك جەلىگە جۇكتەلگەن سۋرەتتەردى سالىستىرىپ كورسەك, 9 كۇننىڭ ىشىندە يگل ارالىنداعى قار جامىلعىسىنىڭ ءبىرازى ەرىپ كەتكەن.
گەولوگتار «انتاركتيدا ەشقاشان بۇلاي تەز ەرىگەن ەمەس» دەپ دابىل قاعىپ وتىر. ماماندار مۇنى اۋا تەمپەراتۋراسىنىڭ جوعارىلاۋىمەن بايلانىستىرادى.
اقپان ايىنىڭ باسىندا انتاركتيكا تۇبەگىنىڭ سولتۇستىك بولىگىندەگى «ەسپەرانسا» عىلىمي-زەرتتەۋ ستانساسى 18,3 گرادۋس نولدەن جوعارى تەمپەراتۋرانى تىركەدى. بۇعان دەيىن كونتينەنتتەگى رەكوردتى كورسەتكىش 17,5 گرادۋس بولعان.
6-11 اقپان ارالىعىندا قار جامىلعىسى تەرەڭدىگى ون سانتيمەترگە دەيىن ەرىپ كەتكەن. بۇل جىل بويىنا جينالعان قاردىڭ بەستەن ءبىر بولىگى عانا.