Instagram پاراقشاسىنا قالا ساۋلەتشىلەرى مەن بەلسەندىلەرىمەن وتكەن دوڭگەلەك ۇستەل تۋرالى جازبا قالدىرعان قالا اكىمى ب.ساعىنتاەۆ قازىرگى كەزدە 30 قوعامدىق كەڭىستىكتىڭ جوبالارى ازىرلەنىپ جاتقاندىعىنان حاباردار ەتتى.
قالانى دامىتۋ ماسەلەسىندە كەشەندى ءىس-قيمىلدى قاجەت ەتەتىن شەشىمدەردى تالقىلاعان باسقوسۋدا ب.ساعىنتاەۆ «الماتىنىڭ باس جوسپارىنا تۇزەتۋلەر ەنگىزۋ بويىنشا جۇمىس ىستەۋدەمىز. ول ورتالىقتاندىرۋ قاعيداتىنا نەگىزدەلگەن مەگاپوليستىڭ ەۆوليۋتسيالىق دامۋىنىڭ بارلىق نەگىزگى تەتىكتەرىن قامتيتىن بولادى. بۇل رەتتە بىزگە عۇمىرىن ساۋلەت سالاسىنا ارناعان كاسىپقوي ماماندار قاجەت.
مىسالى, قازىرگى كەزدە 30 قوعامدىق كەڭىستىكتىڭ جوبالارى ازىرلەنۋدە. ولار نەگىزگى سيپاتتارى عانا ەمەس, سونىمەن قاتار ەستەتيكالىق تولىقتىعىمەن دە تارتىمدى بولۋلارى ءتيىس.
جالپى, ءبىز «الماتى-2050» ستراتەگياسىندا ەسكەرىلگەن ساۋلەتتىك شەبەرلىكتىڭ دامۋىنا جاڭا سەرپىلىس بەرۋدى نيەت ەتۋدەمىز. ىسكەرلىك كەڭەس جانىنداعى كرەاتيۆتى يندۋستريا كوميتەتى قالانى دامىتۋدىڭ اعىمدىق جانە پەرسپەكتيۆالىق ماسەلەلەرى بويىنشا پىكىر الىساتىن پارمەندى ديالوگ الاڭىنا اينالۋى ءتيىس»- دەپ اتاپ ءوتتى.
الماتى