بۇگىن «Nur Otan» پارتياسى جانىنداعى قۇقىقتىق كەڭەستىڭ كەڭەيتىلگەن وتىرىسىندا اقپارات جانە قوعامدىق دامۋ ۆيتسە-ءمينيسترى دانيار ەسين «قوعامدىق كەڭەستەر قىزمەتىنىڭ ماسەلەلەرى بويىنشا قازاقستاننىڭ كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىنىڭ نەگىزگى ەرەجەلەرىن تانىستىردى.
- بۇگىن تانىستىرىلعان زاڭ جوباسىندا كەڭەستەر قىزمەتىنىڭ كەيبىر اسپەكتىلەرىن قارجىلاندىرۋ تۋرالى ايتىلدى. ءبىز بۇعان دەيىن قوعامدىق باستاما نەگىزىندە تەگىن جۇمىس ىستەپ كەلدىك. ۆيتسە-مينيستر ەندى قوعامدىق كەڭەستەر اتقارعان جۇمىسقا قارجى تولەنەتىنىن ايتتى. سوندىقتان بۇل باستامانى قولدايمىز. بۇعان قوسا, قولدانىستاعى لاۋازىمدار تىزىلىمىنە قوعامدىق كەڭەس حاتشىسى لاۋازىمىن ەنگىزۋ تۋرالى ءسوز بولدى. بۇل وتە دۇرىس, دەر كەزىندە كوتەرىلگەن ماسەلە. سونداي-اق كەڭسە تاۋارلارىن ساتىپ الۋعا, كەيبىر كۇردەلى ماسەلەلەر بويىنشا كاسىبي ساراپشىلار تارتىپ, ولاردىڭ قىزمەتىنە تولەم جاساۋعا جانە ءوڭىر ىشىندەگى ءىسساپار شىعىندارىنا ارنالعان قاراجات قاراستىرىلاتىن بولدى. بۇعان دەيىن بۇل شىعىنداردىڭ بارلىعىن ءوز قالتامىزدان تولەپ كەلدىك. ماسەلەن, مەن وتكەندە تۇرعىندار كوتەرگەن ءبىر ماسەلەنى شەشۋ ءۇشىن درۋجبا ەلدى مەكەنىنە تاكسيمەن باردىم. بىزدە كولىك تە جوق. بۇگىنگى وتىرىس وسىنداي ءتۇيىندى ماسەلەلەردىڭ وڭ شەشىم تابۋىنا جول اشىپ وتىر. بۇل قوعامدىق كەڭەستەردىڭ جاۋاپكەرشىلىگى مەن ابىروي-بەدەلىن ارتتىرىپ, جۇمىسىن جانداندىرا تۇسەدى, - دەيدى ءاسيا دۋانباەۆا.
قوستاناي