قالالىق اكىمدىكتىڭ ءباسپاسوز ورتالىعىندا وتكەن بريفينگتە الماتى قالاسى الەۋمەتتىك ءال-اۋقات باسقارما باسشىسىنىڭ ورىنباسارى دانيار الكەباي ۇلى اتاۋلى الەۋمەتتىك كومەك كورسەتۋ بارىسىنا قاتىستى مالىمەتتەرمەن ءبولىستى.
«Cىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىندا ااك تولەۋ تەتىگىن تۇزەتۋگە بايلانىستى پرەزيدەنت تاپسىرماسىن ورىنداۋ ماقساتىندا جۇزەگە اسقان الەۋمەتتىك كومەكتىڭ جاڭا فورماتى ءادىل, اشىق بولۋىمەن قاتار, ەڭبەككە ىنتالاندىرۋى ءتيىس. نەگىزگى قاعيدات - مەملەكەت شىن مانىندە مۇقتاج ادامدارعا كومەكتەسەتىن بولادى» دەپ اتاپ ءوتتى ۆەدومستۆو باسشىسىنىڭ ورىنباسارى.
اعىمداعى جىلدىڭ 5 قاڭتارىنان باستاپ ااك-ءتى جاڭا فورمات بويىنشا تولەۋ ءۇشىن قۇجاتتار قابىلدانۋدا. بۇگىنگى كۇنى ااك-ءتى راسىمدەۋ جونىندە 10 500 دەن اسا ادام كەڭەس الدى, 4 256 ءوتىنىش قابىلداندى, 3401 وتباسىعا اتاۋلى الەۋمەتتىك كومەك تاعايىندالدى, 313 قۇجات ۋچاسكەلىك كوميسسيانىڭ قاراۋىندا. 2 533 وتباسىنا ااك تولەندى.
وتىنىشتەردى قابىلداۋ اۋداندىق الەۋمەتتىك ءال-اۋقات بولىمدەرىندە, الماتى قالاسى اكىمدىگىنىڭ حالىقتى جۇمىسپەن قامتۋ جانە الاتاۋ اۋدانىنىڭ «باقىتتى وتباسى» ورتالىعىندا جۇزەگە اسىرىلادى. بۇدان باسقا, 2020 جىلدان باستاپ قوسىمشا از قامتىلعان وتباسىلاردان شىققان بالالار ءۇشىن زاتتاي قولداۋدى قامتيتىن كەپىلدى الەۋمەتتىك پاكەت قاراستىرىلعان.
پاكەت بويىنشا: - مەكتەپ جاسىنا دەيىنگى بالالار ءۇشىن (1 جاستان 6 جاسقا دەيىن) - بالالار تاعامى جانە گيگيەنالىق كەرەك-جاراقتارى; - مەكتەپ جاسىنداعى (6 جاستان 18 جاسقا دەيىن) بالالار ءۇشىن جاڭا وقۋ جىلىنان باستاپ - مەكتەپتەردە ىستىق تاماق, مەكتەپ كيىمدەرى مەن كەرەك-جاراقتارىن ساتىپ الۋ جانە جول ءجۇرۋ شىعىندارىن وتەۋ. ايتا كەتۋ كەرەك, اتاۋلى الەۋمەتتىك كومەك وتباسىنىڭ ەڭبەككە قابىلەتتى مۇشەلەرى جۇمىسپەن قامتۋعا جاردەمدەسۋدىڭ ۇسىنىلعان شارالارىنان باس تارتقان جاعدايدا قاراستىرىلمايدى جانە بالالارعا بەلگىلەنگەن تولەمدەر جويىلادى. 2019 جىلدىڭ تامىز ايىنان باستاپ كوپبالالى, از قامتىلعان وتباسىلاردى قولداۋ ماقساتىندا «ىسكەر ANA» ايەلدەر كاسىپكەرلىگىن دامىتۋ باعدارلاماسىن جۇزەگە اسىراتىن, «باقىتتى وتباسى» ورتالىقتارى جۇمىس ىستەيدى. اتالعان باعدارلاما بويىنشا 13 474 ادام بازالىق ترەنينگتەردەن ءوتتى, 6 900 ادام كاسىپكەرلىك نەگىزدەرى بويىنشا وقىتىلدى. باعدارلامادان دەمەۋشىلەر مەن مەتسەناتتار ارقىلى بيزنەستى اشۋ مۇمكىندىگى قاراستىرىلعان. 2019 جىلى دەمەۋشىلەردىڭ كومەگىمەن 129 ادام جەكە كاسىبىن اشتى.
از قامتىلعان وتباسىلارعا ارنالعان "باقىتتى وتباسى" الەۋمەتتىك ورتالىعىنا 5 692 وتباسى كەلىپ, 3 686 بالا الەۋمەتتىك پەداگوگتار قىزمەتىن الدى. 776 ادام – زاڭگەردىڭ, 3 766 ادام – الەۋمەتتىك قىزمەتكەردىڭ, 1 166 ادام – مەديتسينا قىزمەتكەرىنىڭ, 567 ادام – پسيحولوگتىڭ قىزمەتتەرىن پايدالاندى. كوپ بالالى انالارعا بالالارىمەن بىرگە باسسايندەرگە جانە فيتنەس-زالدارىنا بارۋ ءۇشىن 1298 سەرتيفيكات بەرىلدى.
تۇرعىن ءۇي الۋىدىڭ قولجەتىمدىلىگىن ارتتىرۋ اياسىندا 661 كوپبالالى وتباسى تۇرعىن ءۇي السا, ونىڭ ىشىندە 10 پاتەر - دەمەۋشىلىك قاراجات ەسەبىنەن بەرىلدى. «باقىتتى وتباسى» قالالىق باعدارلاماسى اياسىندا كوپبالالى وتباسىلارمەن 284 پاتەر ساتىپ الىندى. «باقىتتى وتباسى» رەسپۋبليكالىق باعدارلاماسى اياسىندا 236 تۇرعىن ءۇي بەرىلدى (116 – كوپ بالالى وتباسىلارعا, 93 – تولىق ەمەس وتباسىلارعا, 27 – مۇگەدەك بالالاردى تاربيەلەپ وتىرعان وتباسىلارعا).
ءبىلىم بەرۋ جەلىسى بويىنشا كوپبالالى از قامتىلعان وتباسىلاردان شىققان 564 بالا ءۇشىن (2 بالادان باستاپ) بالاباقشالاردا تاماقتانۋعا اقى تولەنەدى. مەكتەپتەردە 22 126 بالا «جاپپاي وقىتۋ» قورىنان تەگىن تاماقتانادى. قازىرگى ۋاقىتتا وسى ساناتتاعى بالالار ءۇشىن مەكتەپ فورماسىن جانە كەڭسە تاۋارلارىن ساتىپ الۋعا قوسىمشا قارجىلاندىرۋ قاراستىرىلۋدا.
الماتى