قىزىلوردادا «ماسلەنيتسا» مەرەكەسىنە ارنالعان فولكلورلىق شارا ءوتتى

«سلاۆيانە» قوعامدىق-مادەني ورتالىعى مەن وبلىستىق كىتاپحانا ۇجىمى بىرلەسە ۇيىمداستىرعان كەشكە «قوعامدىق كەلىسىم» كمم ديرەكتورىنىڭ ورىنباسارى اسىلبەك جۇماباەۆ, ەتنومادەني بىرلەستىكتەر وكىلدەرى, ج.نۇرسەيىتوۆ اتىنداعى №233 ورتا مەكتەپ وقۋشىلارى جانە كىتاپحانا وقىرماندارى قاتىستى.

مەرەكەلىك شارادا ورىس ۇلتىنىڭ ونەرى, تاعامدارى, كيىمدەرى, قولونەرى مەن سالت-داستۇرلەرى تۋرالى كىتاپ كورمەسى جاساقتالدى.

كەزدەسۋدە وبلىستىق كىتاپحانانىڭ ديرەكتورى نۇرجامال مىرزامۇراتوۆا مەن «سلاۆيانە» قوعامدىق-مادەني بىرلەستىگىنىڭ ءتورايىمى گالينا ششەرباكوۆا قاتىسۋشىلاردى قۇتتىقتاپ, بىرلىك مەرەكەسىنە اينالعان «ماسلەنيتسانىڭ» قازىرگى قوعامداعى ورنى تۋرالى ايتتى.

مەرەكە اياسىندا سلاۆيان ەتنوسىنىڭ سالت-داستۇرلەرى كورسەتىلىپ, «سۋدارۋشكي» ءانسامبلى, «نادەجدا» جاستار توبى سوليستەرى ءان ايتىپ, بي بيلەدى, «شالقان» ەرتەگىسى جەلىسىندە قويىلدى. بالالار حالىق ويىندارىن ويناپ, جۇمباقتار شەشىپ, ماقال-ماتەلدەر سايىسىنا قاتىستى.