«بيىل ەگىن ورۋ ناۋقانى قيىنعا سوقپاق. اۋا رايى ىلعالدى. كۇن مەن جىلۋدىڭ جەتكىلىكتى دەڭگەيدە بولماعانىنا بايلانىستى استىقتىڭ ءپىسىپ-جەتىلۋى كەشەۋىلدەۋدە. قازىرگى ۋاقىتتا ىلعال سالدارى ەگىن ورۋ ناۋقانىنا كەرى اسەر ەتىپ جاتىر». كەشە ۇكىمەت وتىرىسىنان كەيىن جۋرناليستەرگە بەرگەن سۇحباتىندا اۋىل شارۋاشىلىعى ءمينيسترى اسىلجان مامىتبەكوۆ وسىلاي دەدى.
«بيىل ەگىن ورۋ ناۋقانى قيىنعا سوقپاق. اۋا رايى ىلعالدى. كۇن مەن جىلۋدىڭ جەتكىلىكتى دەڭگەيدە بولماعانىنا بايلانىستى استىقتىڭ ءپىسىپ-جەتىلۋى كەشەۋىلدەۋدە. قازىرگى ۋاقىتتا ىلعال سالدارى ەگىن ورۋ ناۋقانىنا كەرى اسەر ەتىپ جاتىر». كەشە ۇكىمەت وتىرىسىنان كەيىن جۋرناليستەرگە بەرگەن سۇحباتىندا اۋىل شارۋاشىلىعى ءمينيسترى اسىلجان مامىتبەكوۆ وسىلاي دەدى.
الايدا مينيستر اۋا رايى جاقسارىپ, ديقاندار ەگىن ورۋ ناۋقانىن ءساتتى اياقتايدى دەپ ۇمىتتەنەدى. «قازىر ناقتى بولجام جوق. ەگىن ورۋ ناۋقانى وڭايعا تۇسپەيتىنىن قايتالاپ وتكىم كەلەدى. سوندىقتان, ءبىز قازىرگى ۋاقىتتا اۋىلشارۋاشىلىق تاۋارىن وندىرۋشىلەرگە عىلىمي ۇيىمداردىڭ كەڭەسى بويىنشا ءوز شارۋاشىلىقتارىن, كەپتىرگىش قۇرىلعىلارىن, تازارتۋ قۇرال-جابدىقتاردى دايارلاۋعا كەڭەس بەرىپ جاتىرمىز», دەيدى مينيستر.
ءيا, ەندى بىرەر اپتادان سوڭ تامىلجىعان تامىز دا تاۋسىلعالى تۇر. ەندەشە, جايدارمان جاز ءبىتىپ, كۇرەڭ كۇزدىڭ كولەڭكەسى كورىندى دەي بەرىڭىز. بۇل اۋىل شارۋاشىلىعى سالاسىنداعىلار ءۇشىن ناعىز قاربالاس, قاۋىرت شاق. جاز بويى تولاسسىز جاۋعان جاڭبىردان قاۋلاي ءوسىپ, بەرەكەسىن بەرىپ تۇرعان جەردىڭ ىرزىعىن ويداعىداي جيىپ-تەرۋ دە وڭاي شارۋا ەمەس, ارينە. وعان ۇيىمداسقان جۇمىس, قاجىرلى ەڭبەك قاجەت.
كەشە پرەمەر-مينيستر سەرىك احمەتوۆتىڭ توراعالىعىمەن وتكەن سەلەكتورلىق رەجىمدەگى ۇكىمەت وتىرىسىندا دا اۋىل شارۋاشىلىعىنا قاتىستى بىرقاتار ماسەلەلەر تالقىلانعان ەدى. وتىرىستا ورتاعا تۇسكەن دەرەكتەرگە قاراپ ەلىمىزدە اۋىل شارۋاشىلىعى سالاسىنىڭ دامۋى ارتىپ كەلە جاتقانىن اڭعاردىق. تەك, جاڭبىرلى كۇزدەن كەسىر كەلمەسە بولعانى.
ۇكىمەت وتىرىسىن اشقان پرەمەر-مينيستر س.احمەتوۆ اۋىل شارۋاشىلىعىن دامىتۋ ماسەلەلەرى مەملەكەت باسشىسىنىڭ ايرىقشا نازارىندا تۇرعانىن ايتا وتىرىپ, اعىمداعى جىلدىڭ اقپان ايىندا قابىلدانعان 2013-2020 جىلدارعا ارنالعان اگروونەركاسىپ كەشەنىن دامىتۋ باعدارلاماسى مەملەكەتتىك قولداۋدىڭ تەڭدەسسىز شاراسى رەتىندە قاراستىرىلعانىن اتاپ ءوتتى. ال سالانىڭ جالپى اعىمداعى جاعدايى, «اگروبيزنەس-2020» باعدارلاماسىن جۇزەگە اسىرۋ بارىسى, اۋىلشارۋاشىلىق ءونىمدەرىن قايتا وڭدەۋدى دامىتۋ شارالارى تۋرالى اۋىل شارۋاشىلىعى ءمينيسترى اسىلجان مامىتبەكوۆ باياندادى. ونىڭ ايتۋىنشا, تۇتاستاي العاندا, اۋىلشارۋاشىلىق ونىمدەرىن ءوندىرۋ ءوسىمى وڭ ءورىس الدى. سونىمەن, سوڭعى 12 جىلدا جالپى ءونىم كولەمى 4 ەسەگە ارتىپ, وتكەن جىلى ءوسىم 1,9 ترلن. تەڭگەنى قۇرادى. وسىمدىك ونىمدەرىن ءوندىرۋ وسى مەرزىم ىشىندە 3 ەسەگە, ياعني 325,7 ملرد. تەڭگەدەن 981,2 ملرد. تەڭگەگە دەيىن, مال ونىمدەرىن ءوندىرۋ 5 ەسەگە جۋىق, ياعني 207,9 ملرد. تەڭگەدەن 1,0 ترلن. تەڭگەگە دەيىن ءوستى. سونىمەن قاتار, 2012 جىلى مال ونىمدەرىنىڭ ۇلەسى ءوسىمدىك ونىمدەرىنەن اسىپ ءتۇسىپ, 50,6 پايىزدى قۇرادى.
مينيستر اگروونەركاسىپ كەشەنى نىساندارىن مەملەكەتتىك قولداۋدىڭ شارالارى مەن تەتىكتەرىن ءتۇسىندىرۋ بويىنشا جۇمىستار تۋرالى مالىمدەي وتىرىپ, اوك-پەن تەكتەس سالالاردى دامىتۋدىڭ ستراتەگيالىق باعدارلامالىق قۇجاتتارىنا ءتۇزەتۋلەر ەنگىزۋ بويىنشا ۇسىنىستار, شەبەرلىك جوسپارلارى, اۋىل شارۋاشىلىعى وندىرىستەرى بويىنشا وڭىرلەردىڭ ماماندانۋ كارتاسى دايىندالعانىن, اۋىلشارۋاشىلىق ونىمدەرىن قايتا وڭدەۋدىڭ باسىمدىقتى باعىتتارى انىقتالعانىن, باعدارلامالاردى جۇزەگە اسىرۋدى قامتاماسىز ەتەتىن نورماتيۆتىك-قۇقىقتىق بازانىڭ جەتىلدىرىلىپ جاتقانىن حابارلادى.
بۇل ماسەلەلەر بويىنشا, سونداي-اق, قوستاناي وبلىسىنىڭ اكىمى ن.سادۋاقاسوۆ, وڭتۇستىك قازاقستان وبلىسى اكىمى ا.مىرزاحمەتوۆ, «قازاگرو» ۇبح» اق باسشىسى د.ايتجانوۆ, «شىعىس ءسۇت» كورپوراتسياسىنىڭ پرەزيدەنتى س.سايلاۋباەۆ, «قازاقستان فەرمەرلەرى وداعى» قوعامدىق بىرلەستىگىنىڭ جەتەكشىسى ءا.دارينوۆ سويلەدى.
تالقىلاۋدى قورىتىندىلاي كەلە, ۇكىمەت باسشىسى «باعدارلامانى قابىلداي وتىرىپ, ءبىز ودان جاقسى ناتيجەلەر كۇتۋگە ءتيىسپىز», دەدى. وسىعان وراي پرەمەر-مينيستر اۋىل شارۋاشىلىعى مينيسترلىگىنە مۇددەلى مەملەكەتتىك ورگاندارمەن بىرلەسىپ باعدارلامالاردىڭ جاڭا تەتىكتەرىن ىسكە قوسۋ ءۇشىن قاجەتتى نورماتيۆتىك-قۇقىقتىق اكتىلەر جوبالارىن جەدەل كەلىسۋدى ۇيىمداستىرۋدى, اۋىل شارۋاشىلىعىن سەكتورلار بويىنشا, اسىرەسە, وسىمدىك, مال شارۋاشىلىعى مەن ۆەتەرينارلىق سالادا دامىتۋدىڭ شەبەرلىك جوسپارلارىن بەكىتۋدى, سونداي-اق, ءتيىستى قارجىلاندىرۋ كوزدەرىمەن قامتىلعان كەشەندى جوسپاردى بەكىتۋدى تاپسى