قازاقستاندىق بوكسشى قانات يسلام (27-0, 21 كو) دۇنيەجۇزىلىك بوكس ۇيىمىنىڭ (WBO) جاڭارتىلعان رەيتينگىندە ءبىر ساتىعا جوعارىلادى. بۇل تۋرالى Sports.kz حابارلادى.
رانگتەر تۋرالى كەستەنىڭ جاڭا شىعارىلىمىندا جارتىلاي ورتا سالماقتاعى WBO International اتاعىنىڭ يەگەرى مەكسيكالىق حايمە مۋنگيادان (35-0, 28 كو) جانە بريتاندىق ليام ۋيليامستەن (22-2-1, 17 كو) كەيىن ءۇشىنشى ورىنعا تۇراقتادى. ورتا سالماقتا WBO تۇجىرىمى بويىنشا الەم چەمپيونى اتاعىن اقش وكىلى دەمەتريۋس اندرادە (29-0, 18 كو) جەڭىپ الدى.
ەسكە سالا كەتەيىك, قانات يسلام بۇگىنگە دەيىن ءوزىنىڭ سوڭعى ايقاسىن 26 قازاندا الماتى قالاسىندا ناميبيالىق ۋولتەر كاۋتوندوكۆۋعا قارسى وتكىزگەن بولاتىن. وندا ول تورەشىلەردىڭ ءبىراۋىزدى شەشىمىمەن جەڭىسكە جەتتى.