وسكەمەندە قاردىڭ قالىڭدىعىنان ترامۆايلار جۇرە الماي جاتىر

ءيا, بيىل وڭىردە قار جىلداعىدان قالىڭ. 19 اقپان كۇنى تۇنىمەن توپەلەتە جاۋعان قار 20 اقپان كۇنى تاڭەرتەڭ, تاڭەرتەڭ عانا ەمەس, كۇنى بويى قالالىقتاردى ابدەن ابىگەرگە سالدى.

كەشە شاھاردا ءبىر ەمەس, ءۇش ترامۆاي جولدان شىعىپ كەتتى. سونىمەن قاتار اۆتوبۋستار دا قارعا باتىپ, جولاۋشىلاردىڭ وزدەرى قوعامدىق كولىكتى يتەرۋگە ءماجبۇر بولدى.

ال بۇگىن وسكەمەندەگى ءۇش باعىتتا جۇرەتىن ترامۆايدىڭ ءبىرى ء(ۇشىنشى باعىت) سوڭعى ايالداماعا دەيىن (زاششيتا ىقشام اۋدانى) بارا المايتىنى حابارلاندى. «كەشە تۇندە ءبىزدىڭ ترامۆاي-قار تازالاۋشى تەحنيكامىز تاڭ اتقانشا قالىڭ قارمەن الىستى. ءبىرىنشى جانە ءتورتىنشى باعىتتاعى ۆاگوندارىمىز سوڭعى ايالداماعا دەيىن جەتە الماي قارعا باتىپ, تۇرىپ قالدى. ال ءۇشىنشى باعىتتاعى ۆاگون كۇنى بويى جۇرگەن جوق. 21 اقپاندا ءبىر جانە ءتورتىنشى باعىتتاعى ترامۆايلاردى جولعا شىعاردىق. ءۇشىنشى باعىت بۇگىن تەك «ماشزاۋىت» اۋدانىنا دەيىن جۇرەدى» دەلىنگەن «وسكەمەن كولىك كومپانياسى» جشس تاراتقان حابارلامادا.

وسكەمەن