«قازترانسويل» اق وتاندىق تاۋار وندىرۋشىلەرگە بەلسەندى تۇردە قولداۋ كورسەتىپ وتىر. كاسىپورىننىڭ بىلتىر ساتىپ الۋداعى جەرگىلىكتى قامتۋ ۇلەسى ەنشىلەس جانە بىرلەسىپ باقىلاناتىن كاسىپورىنداردى ەسكەرگەندە 74 پايىزدى قۇرادى جانە جيىنتىعى 105 ملرد تەڭگەدەن استى.
«قازترانسويل» اق باس ديرەكتورىنىڭ ورىنباسارى شىڭعىس سەيسەكەنوۆتىڭ ايتۋىنشا, 2019 جىلى قولدانىستاعى ۇزاقمەرزىمدى شارتتارعا قوسىمشا كومپانيا وتاندىق تاۋار وندىرۋشىلەرمەن 500 ملن تەڭگەدەن استام سوماعا تاعى 5 ۇزاقمەرزىمدى شارت جاساسقان. «بۇل وندىرىستىك جانە كادرلىق رەسۋرستارى بار كومپانيالاردىڭ تاۋارلارى مەن قىزمەتتەرىنىڭ ساپاسى ءبىزدىڭ ءوندىرىس تالاپتارىنا سايكەس كەلەدى», دەدى ول.
كومپانيا تۇراقتى سەرىكتەستەرىنىڭ قاتارىنداعى «پاۆلودار قۇبىر ارماتۋراسى زاۋىتى» جشس, «وسكەمەن ونەركاسىپتىك ارماتۋرا زاۋىتى» اق, «راۋاننالكو» جشس, «تەمىرماش» پاۆلودار زاۋىتى» جشس, «قازارماتۋرا زاۋىتى» جشس سياقتى زاۋىتتارمەن جابدىقتارعا ارنالعان قۇرامداس جانە قوسالقى بولشەكتەردى جەتكىزۋگە شارتتار جاساعان. بىلتىرعى ساتىپ الۋ جوسپارىنىڭ اياسىندا ارنايى تەحنيكا مەن جابدىقتاردى جانە باسقا دا تاۋارلاردى جەتكىزۋگە 3,3 ملرد تەڭگەدەن استام سوماعا شارتتار جاسالدى.
جالپى, «قازترانسويل» اق-تا وتاندىق تاۋار وندىرۋشىلەردى قولداۋ بويىنشا ءوسۋ ديناميكاسى بايقالادى. ەگەر 2017-2018 جىلدارى ەنشىلەس جانە بىرلەسىپ باقىلاناتىن كاسىپورىنداردى ەسكەرە وتىرىپ, تاۋارلاردى, جۇمىستاردى جانە قىزمەتتەردى ساتىپ الۋداعى جەرگىلىكتى قامتۋ ۇلەسى ورتاشا ەسەپپەن 70 پايىزدى قۇراسا, 2019 جىلى بۇل كورسەتكىش 74 پايىزعا دەيىن ءوستى.
2020 جىلى «سامۇرىق-قازىنا» اق يمپورتتى الماستىرۋ باعدارلاماسى اياسىندا تاجىريبەلىك-ونەركاسىپتىك سىناقتار جۇرگىزىلگەننەن كەيىن وتاندىق تاۋار وندىرۋشىلەرمەن جاڭا كەلىسىمشارتتار جاساۋ كۇتىلۋدە. قازاقستاندىق جەتكىزۋشىلەردىڭ ايتۋىنشا, ءىرى كومپانيالاردىڭ قولداۋى ولارعا ءوندىرىستى دامىتۋعا كومەكتەسەدى.
ء«بىزدىڭ «NGVision» جشس كومپانيامىزدىڭ ءونىمى «قازترانسويل» اق-تا تاجىريبەلىك-ونەركاسىپتىك سىناقتان وتەدى. قازاقستان رەسپۋبليكاسىنىڭ اۋماعىندا ءبىز بەينەباقىلاۋ كامەرالارىن قۇراستىرۋمەن اينالىساتىن جالعىز كومپانيامىز. قازىر ءبىزدىڭ وندىرىستە 50-گە جۋىق ادام ەڭبەك ەتۋدە. كەز كەلگەن كولەمدى يگەرە الامىز. وسى ۋاقىتقا دەيىن 400 كامەرا جينادىق. ەندى جاڭا تاپسىرىستار كۇتەمىز. ارينە ءىرى كومپانيالاردىڭ قولداۋىنسىز نارىقتا قالۋىمىز ەكىتالاي. سوندىقتان مەملەكەتىمىزدىڭ قولداۋ كورسەتكەنىنە وتە قۋانىشتىمىز», دەيدى «NGVision» جشس باس ديرەكتورى تاير وماروۆ.