يدم: سىبايلاس جەمقورلىققا قارسى شارالار وتەدى

سالا بويىنشا كەلەسى شارالار اتقارىلدى:

1. كاسىپكەرلىك قىزمەتتى رەتتەۋ ماسەلەلەرى بويىنشا زاڭناماعا تۇزەتۋلەر ەنگىزىلدى. بۇل كولىك, ونەركاسىپتىك قاۋىپسىزدىك, گەولوگيا جانە جەر قويناۋىن پايدالانۋ سالالارىنداعى باقىلاۋ-قاداعالاۋ فۋنكتسيالارىنىڭ شامامەن 30% قىسقارتۋعا اكەلدى.

2. جول كارتاسى اياسىندا 119 مەملەكەتتىك قىزمەتتى اۆتوماتتاندىرۋ جۇرگىزىلىپ جاتىر, ونىڭ ىشىندە 105 ىسكە اسىرىلدى, قالعان جۇمىستار جالعاسۋدا.

3. ۆەدومستۆولىق باعىنىستى ۇيىمداردا سىبايلاس جەمقورلىققا قارسى ستاندارت جانە سىبايلاس جەمقورلىققا قارسى ساياسات بەكىتىلدى.

4. لاۋازىمدىق نۇسقاۋلىقتارعا بەكىتۋ ارقىلى بارلىق باسشىلار باعىنىشتىلارىنىڭ سىبايلاس جەمقورلىق قۇقىق بۇزۋشىلىقتار جاساعانى ءۇشىن دەربەس جاۋاپتى بولادى.

سىبايلاس جەمقورلىققا قارسى زاڭناما نورمالارىن ءتۇسىندىرۋ بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىكتەرى وكىلدەرىنىڭ قاتىسۋىمەن سەمينارلار وتكىزىلۋدە.

5. سىبايلاس جەمقورلىق كورىنىستەرىنىڭ ەداۋىر بولىگى كولىكتىك باقىلاۋدىڭ ينسپەكتورلىق قۇرامىنا جاتاتىنىن ەسكەرە وتىرىپ, يدم وسى ورتادا سىبايلاس جەمقورلىققا ىقپال ەتەتىن جاعدايلاردى ازايتۋ ماقساتىندا2019 جىلعى ساۋىردە كولىك ماسەلەلەرى جونىندەگى زاڭناماعا وزگەرىستەر مەن تولىقتىرۋلار ەنگىزدى.

تۇزەتۋلەر نەگە باعىتتالعان:

كولىكتىك باقىلاۋ باعىتى.

اۆتوموبيل كولىگى سالاسىندا:

1) كولىكتىك باقىلاۋدى جۇزەگە اسىرۋ كەزىندە قىزمەتكەرلەردىڭ ۆيدەوجەتونداردى مىندەتتى تۇردە قولدانۋى;

2) ادال تاسىمالداۋشىلارعا قاتىستى باقىلاۋدى بولدىرمايتىن نەگىزدەردىڭ تولىق تىزبەسىنە سايكەس قانا كولىك قۇرالدارىن توقتاتۋ;

3) بولىنەتىن جۇكتەردى تاسىمالداۋعا ارنايى رۇقسات بەرۋ نورمالارىنىڭ كۇشى جويىلدى. رۇقسات تەك اۆتوتسيستەرنالاردا تاسىمالداناتىن بولىنبەيتىن جانە قۇيىلاتىن جۇكتەردى تاسىمالداۋعا بەرىلەدى, بۇل باقىلاۋدى ودان ءارى اۆتوماتتاندىرۋدى ەسكەرە وتىرىپ, تاسىمالداۋشىلاردىڭ قىزمەتكەرلەرمەن تىكەلەي بايلانىسىن ازايتادى;

4) "تەحنيكالىق بايقاۋ" باج مامانداندىرىلعان باعدارلامالىق قامتاماسىز ەتۋگە قويىلاتىن تالاپتار كۇشەيتىلدى, بۇل "جالعان تەحنيكالىق بايقاۋ" دەپ اتالاتىن, ياعني كولىك قۇرالىن اپارماستان وتكىزۋدى بولدىرماۋعا مۇمكىندىك بەرەدى.;

سۋ كولىگى سالاسىندا:

5) تەڭىز كەمەلەرىن 6 ايدا 1 رەت تەكسەرۋ بەلگىلەنگەن. بۇرىن كەمەلەر تەڭىز پورتىنا كىرگەن سايىن تەكسەرىلەتىن. سونداي-اق كەمەنى جوسپاردان تىس تەكسەرۋ ءۇشىن نەگىزدەمەلەردىڭ تولىق تىزبەسى بەكىتىلدى. بۇل شارا تەڭىزدە ءجۇزۋ قاۋىپسىزدىگىنە نۇقسان كەلتىرمەي, تەڭىز پورتتارىنداعى كەمەلەردى تەكسەرۋ سانىن 60% قىسقارتۋعا مۇمكىندىك بەرەدى;

6) شاعىن كولەمدى كەمەلەردى پايدالانۋ كەزىندە ولاردى قاراۋ جونىندەگى فۋنكتسيانى قايتالاعان جانە سىبايلاس جەمقورلىق تاۋەكەلدەرىن تۋىنداتقان شاعىن كولەمدى كەمەلەردى تەحنيكالىق كۋالاندىرۋ جونىندەگى فۋنكتسيا الىپ تاستالدى. بۇل فۋنكتسيانى الىپ تاستاۋ شاعىن كولەمدى كەمەلەر قاۋىپسىزدىگىنە اسەر ەتپەيدى.;

ينسپەكتسيالاردى تەحنيكالىق جاراقتاندىرۋدى جاقسارتۋ:

كولىكتىك باقىلاۋدىڭ جىلجىمالى بەكەتتەرىنىڭ تارازى جابدىقتارىنان كولىك كوميتەتىنىڭ احۋالدىق ورتالىعىنا ولشەۋ ناتيجەلەرىن ونلاين رەجيمدە بەرۋ اۆتوماتتاندىرىلدى.

كولىكتىك باقىلاۋ بەكەتتەرىنىڭ قىزمەتكەرلەرى قاشىقتىقتان ونلاين-مونيتورينگ فۋنكتسياسى بار ۆيدەوجەتوندارمەن جابدىقتالعان, ولاردى مىندەتتەرىن ورىنداۋ كەزىندە قولدانۋ مىندەتتى. بۇدان ءارى تەمىرجول جانە سۋ كولىگىندە باقىلاۋدى جۇزەگە اسىراتىن قىزمەتكەرلەردى وسى جابدىقتارمەن جابدىقتاۋ جانە قاشىقتىقتان قوسۋ - ۆيدەوجەتونداردى اجىراتۋ بويىنشا فۋنكتسيونال قوسۋ جوسپارلانۋدا.

اكق ولشەۋ ءراسىمىن ەگجەي-تەگجەيلى رەگلامەنتتەيتىن بەكەتتەردىڭ جۇمىس ەرەجەلەرىنە تۇزەتۋلەر ەنگىزىلدى. بۇل ينسپەكتسيا قىزمەتكەرلەرى تاراپىنان تەرىس پايدالانۋ مۇمكىندىگىن ازايتتى.  

ەراپ جۇيەسى (اكىمشىلىك ءوندىرىستىڭ بىرىڭعاي ءتىزىلىمى) شەڭبەرىندە كولىكتىك باقىلاۋدى جۇزەگە اسىرۋ كەزىندە اكىمشىنىڭ ەلەكتروندىق حاتتامالارى ەنگىزىلدى.

سونىمەن قاتار, جۇرتشىلىقتى تارتا وتىرىپ, مونيتورينگتىك توپتىڭ جۇمىسى كۇشەيتىلدى. قۇرىلعان ساتىنەن باستاپ 13 وڭىردە كولىكتىك باقىلاۋ بەكەتتەرى قىزمەتىن باقىلاۋ بويىنشا كوشپەلى, ونىڭ ىشىندە جاسىرىن ءىس-شارالار وتكىزىلدى. سونداي-اق, جولاۋشىلار پويىزدارىندا جولاۋشىلارعا قىزمەت كورسەتۋ سالاسىندا قر ۇلتتىق ستاندارتىنا سايكەس جولاۋشىلار پويىزدارىن تەكسەرۋ بويىنشا 6 كوشپەلى ءىس-شارا وتكىزىلدى.

2019 جىلى كولىكتىك باقىلاۋ, گەولوگيا جانە جەر قويناۋىن پايدالانۋ سالاسىنداعى سىبايلاس جەمقورلىق تاۋەكەلدەرىن جويۋ جونىندەگى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىكتەرىمەن بىرلەسكەن ءىس-شارالار جوسپارىنا قول قويىلدى.

تەمىر جول كولىگىنىڭ باعىتى.

«تەمىر جول كولىگى تۋرالى» زاڭ جوباسىنىڭ جاڭا تۇجىرىمداماسىندا (ۆاك-قا شىعارۋ راسىمىنەن وتۋدە) جولاۋشىلار پوەزدارىندا جولاۋشىلاردى بيلەتسىز الىپ ءجۇرۋدى انىقتاۋ بويىنشا كولىك كوميتەتى فۋنكتسيالارىن الىپ تاستاۋ كوزدەلگەن. بيلەتسىز تاسىمالداۋدى تاسىمالداۋشىلاردىڭ تەكسەرۋ قىزمەتتەرى دەربەس انىقتايدى. تۇجىرىمدامادا تەكسەرۋ قىزمەتتەرىنىڭ قۇقىقتارى مەن مىندەتتەرى جازىلعان.

بۇل رەتتە, تاسىمالداۋ قاۋىپسىزدىگىنە جانە اكىمشىلىك وندىرىسكە اسەر ەتەتىن جىلجىمالى قۇرامنىڭ تەحنيكالىق جاي-كۇيىن باقىلاۋ ۋاكىلەتتى ورگاندا قالادى.

كولىك كوميتەتىنە «قتج» ۇك» اق اقپاراتتىق جۇيەلەرىنە قولجەتىمدىلىكتى قامتاماسىز ەتۋ كاسىپكەرلىك كودەكس اياسىندا پروفيلاكتيكالىق باقىلاۋعا نازار اۋدارا وتىرىپ, شارۋاشىلىق جۇرگىزۋشى سۋبەكتىلەردى تەكسەرۋ سانىن ايتارلىقتاي قىسقارتۋعا مۇمكىندىك بەرەدى.

كولىك كوميتەتى مەن «قتج» ۇك» اق قاتىناۋدى ۇسىنۋ الگوريتمىن پىسىقتادى جانە قازىرگى ۋاقىتتا قوسۋ بويىنشا تەحنيكالىق جۇمىستار جۇرگىزىلۋدە.

سۋ كولىگىنىڭ باعىتى.

شاعىن كولەمدى كەمەلەردى قاۋىپسىز پايدالانۋدى قامتاماسىز ەتۋدى ءتيىمدى باقىلاۋدى ارتتىرۋ ءۇشىن سۋ كولىگىنىڭ نەگىزدەلگەن ماسساسى شوعىرلانعان وڭىرلەردە كولىك كوميتەتىنىڭ اۋماقتىق بولىمشەلەرى اشم جانە ءىىم بولىمشەلەرىمەن بىرلەسىپ, ەلدىڭ سۋ ايدىندارىندا سۋ كولىگىن قاۋىپسىز پايدالانۋدى قامتاماسىز ەتۋدى باقىلاۋ بولىگىندە بىرلەسكەن ءىس-شارالاردى جۇزەگە اسىرادى.

بۇل شارا قىزمەتى ەلدىڭ سۋ ايدىندارىندا شوعىرلانعان مەملەكەتتىك ورگانداردىڭ فۋنكتسيالارىن ىسكە اسىرۋعا بارىنشا وڭتايلى مۇمكىندىك بەرەدى.   

اۆتوموبيل كولىگىنىڭ باعىتى.

سىبايلاس جەمقورلىق تاۋەكەلدەرىن جانە ادام فاكتورىنىڭ اسەرىن بولدىرماۋ ءۇشىن كولىك كوميتەتى كولىكتىك باقىلاۋدىڭ زياتكەرلىك جۇيەسىن قۇرۋ ماسەلەسىن پىسىقتاۋدا. سونىڭ ءبىرى - قاتەلىگى ەڭ از ستاتسيونارلىق ۇلگىدەگى تارازىلاردى قولدانا وتىرىپ, اۆتوجولداردىڭ جەكەلەگەن ۋچاسكەلەرىندە اۆتوماتتاندىرىلعان ولشەۋ ستانتسيالارى (باا) جەلىسىن قۇرۋ.

كورسەتىلگەن ستانتسيالاردى اينالىپ وتەتىن, ولشەۋ تالاپتارىن ەلەمەيتىن نەمەسە مەملەكەتتىك نومىرلەردى جاسىراتىن جوسىقسىز تاسىمالداۋشىلاردى باقىلاۋ فۋنكتسيالارى ىشكى ىستەر ورگاندارىنا بەرۋ ۇسىنىلادى.

اۆتوماتتاندىرىلعان ولشەۋ ستانتسياسىن (باا) ەنگىزۋ بويىنشا پيلوتتىق جوبانى ىسكە اسىرۋ تۋرالى شەشىم قابىلداندى.

وسى تەتىكتى ودان ءارى ىسكە اسىرۋ ءۇشىن زاڭنامالىق اكتىلەرگە تۇزەتۋلەر پاكەتى دايىندالدى.

6. 2018 جىلعى 24 مامىرداعى جانە قوسىمشا كەيبىر زاڭنامالىق اكتىلەردى جەتىلدىرۋ ماسەلەلەرى بويىنشا كاسىپكەرلىك قىزمەتتى رەتتەۋ" زاڭ بويىنشا كاسىبي باقىلاۋ ءرولى ارتادى جانە مسقب ينسپەكتسيا جۇرگىزۋى قىسقارادى, اتاپ ايتقاندا:

- مەملەكەتتىك ساۋلەت-قۇرىلىس باقىلاۋ ورگاندارىنىڭ قۇرىلىس وبەكتىلەرىنە كەدەرگىسىز كىرۋىنە جول بەرىلمەيدى;

- بەكىتىلگەن تىزىمدەر بويىنشا ەسكەرتۋ جۇيەسىمەن پروفيلاكتيكالىق باقىلاۋ ەنگىزىلدى, سول ارقىلى مسقب ورگاندارىنىڭ كەدەرگىسىز تەكسەرۋلەرى الىپ تاستالدى;

- تاپسىرىس بەرۋشىنىڭ جوبالاۋ ۇيىمىنا ينجەنەرلىك-گەولوگيالىق ىزدەستىرۋلەر تۋرالى ەسەپ بەرۋ نورماسى الىپ تاستالدى;

- جەر ۋچاسكەسىنە قۇجاتتار بەرۋ بويىنشا تالاپتار الىپ تاستالدى;

- ينجەنەرلىك جەلىلەر جوسپارىن ۇسىنۋ بويىنشا تالاپتار الىپ تاستالدى;  

- قۇرىلىس-مونتاج جۇمىستارىن جۇرگىزۋدى باستاۋ تۋرالى حابارلاما العاننان كەيىن ينسپەكتسيالاردى وتكىزۋ الىپ تاستالدى;

- تەحنيكالىق پاسپورت الۋعا سۇراۋ سالۋ, الۋ جانە ينسپەكتسيا الىپ تاستالدى; 

- وبەكتىلەردى پايدالانۋعا بەرۋ جانە مەنشىك قۇقىعىن تىركەۋ كەزىندە, ۆەدومستۆودان تىس كەشەندى ساراپتاما جۇرگىزۋ كەزىندە ء"بىر تەرەزە" قاعيداتى ەنگىزىلدى (ساۋلەت جانە مسقب ورگاندارىندا تىركەۋ پروتسەسىن وڭتايلاندىرۋ, سونداي-اق عيماراتتار مەن قۇرىلىستارعا مەنشىك قۇقىعىن تىركەۋ).

- تمس جوبالارىن, ونىڭ ىشىندە سۋمەن جابدىقتاۋ جانە كارىز ورگاندارىنان ينجەنەرلىك جەلىلەردى الدىن الا كەلىسۋدى تالاپ ەتۋ بولىگىندە تىيىم سالىندى;

- ەكولوگيالىق جانە سانيتارلىق-ەپيدەميولوگيالىق ساراپتاما ۆەدومستۆودان تىس كەشەندى ساراپتاما قۇرامىنا ەنگىزىلدى.

- قالا قۇرىلىسى كاداسترى ورگاندارىنا ساراپتامامەن بەكىتىلگەن جوبالاردى ۇسىنۋ تالاپتارى ەنگىزىلدى;

- وبەكتىلەردى پايدالانۋعا كوميسسيالىق قابىلداۋ, سونداي-اق مەملەكەتتىك ورگانداردىڭ وسى پروتسەسكە قاتىسۋى الىپ تاستالدى.

مينيسترلىكتىڭ ادەپ جونىندەگى ۋاكىلدەرى وڭىرلەردە تۇراقتى نەگىزدە كوشپەلى سەمينارلار وتكىزىپ تۇرادى. وندا سىبايلاس جەمقورلىققا قارسى ءىس-قيمىل بويىنشا قر مقىا دايىنداعان بەينەروليكتەر قوسىمشا كورسەتىلەدى.

«نۇر وتان» پارتياسىمەن ۇنەمى ءوزارا ءىس-قيمىل جۇرگىزىلۋدە.

«Adaldyq alany» جوباسىن جۇزەگە اسىرۋ بويىنشا ءتيىستى مەموراندۋمعا قول قويىلدى.

وڭىرلەردە پەرسونالدى باسقارۋ, سىبايلاس جەمقورلىققا قارسى ءىس-قيمىل, مەملەكەتتىك قىزمەت كورسەتۋ, ازاماتتاردىڭ وتىنىشتەرىن ساپالى قاراۋ بويىنشا كەڭەستەر وتكىزىلەدى.

ءمينيستردىڭ بۇيرىعىمەن:

- وڭىرلەر بويىنشا اۋماقتىق بولىمشەلەر مەن ۆەدومستۆولىق باعىنىستى ۇيىمدار قىزمەتىندەگى سىبايلاس جەمقورلىق تاۋەكەلدەرىنە ىشكى تالداۋ جۇرگىزۋ جونىندەگى جۇمىس توبى;

سىبايلاس جەمقورلىققا قارسى ءىس-قيمىل جونىندەگى كەڭەس ء(تيىستى ەرەجەمەن) قۇرىلدى.

كەڭەسكە مينيسترلىكتىڭ, قر مقىا (ناقتىلاۋ), «اتامەكەن» ۇكپ, قوعامدىق بىرلەستىكتەردىڭ, سونداي-اق ۆەدومستۆولىق باعىنىستى ۇيىمداردىڭ وكىلدەرى كىردى.

كەڭەس ماقساتى - مينيسترلىكتىڭ, ونىڭ ۆەدومستۆولارى مەن ۆەدومستۆولىق باعىنىستى ۇيىمدار قىزمەتىندەگى سىبايلاس جەمقورلىققا قارسى ءىس-قيمىلدى ىسكە اسىرۋ. سىبايلاس جەمقورلىق كورىنىستەرىنە ىقپال ەتەتىن سەبەپتەر مەن جاعدايلارعا «نولدىك توزىمدىلىكتى»  قامتاماسىز ەتۋ جانە قالىپتاستىرۋ بويىنشا شارالار قابىلداۋ.

سىبايلاس جەمقورلىققا قارسى ءىس-قيمىل ماسەلەلەرى مينيسترلىك باسشىلىعىنىڭ تۇراقتى باقىلاۋىندا.