ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ پەن ءبىلىم جانە عىلىم ءمينيسترى اسحات ايماعامبەتوۆ «ەڭبەك رەسۋرستارىن دامىتۋ ورتالىعى» اق (بۇدان ءارى – ەردو) بازاسىندا جاڭا كاسىپتىك ستاندارتتار نەگىزىندە ءبىلىم بەرۋ باعدارلامالارىن ازىرلەۋ ماسەلەلەرى بويىنشا كەڭەسكە قاتىستى, ونىڭ قورىتىندىسى بويىنشا ۇلتتىق بىلىكتىلىك جۇيەسىن (بۇدان ءارى – ۇبج) ەنگىزۋ ماسەلەلەرىندە ىنتىماقتاستىق تۋرالى مەموراندۋمعا قول قويدى. بۇل تۋرالى ەڭبەك جانە الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
ءىس-شاراعا ۆەدومستۆولاردىڭ ۆيتسە-مينيسترلەرى, ەردو پرەزيدەنتى تامارا دۇيسەنوۆا, جوبالىق ءوفيستىڭ وكىلدەرى جانە ەردو ساراپشىلارى, سونداي-اق ەلوردالىق جوو رەكتورلارى مەن پرورەكتورلارى جانە كوللەدج ديرەكتورلارى قاتىستى.
كەڭەس جۇمىسىن اشا وتىرىپ, ءبىرجان نۇرىمبەتوۆ ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى – ەڭبەكمينى) ۇكىمەت جانىنداعى بىلىكتىلىك جونىندەگى ۇلتتىق كەڭەستىڭ جۇمىس ورگانى بولىپ تابىلاتىنىن جانە قازاقستاندا ۇبج ەنگىزۋ ماسەلەلەرىنە جاۋاپ بەرەتىنىن اتاپ ءوتتى. ەردو بازاسىندا جۇمىستى ادىسنامالىق سۇيەمەلدەۋ جانە ۇيلەستىرۋ ءۇشىن 2019 جىلى جوبالىق وفيس قۇرىلدى. ءبىزدىڭ ەكونوميكامىزدىڭ باسىم سەكتورلارىندا 480 كاسىپتىك ستاندارت ازىرلەۋ بويىنشا اۋقىمدى جۇمىس جۇرگىزىلدى.
«بۇگىنگى تاڭدا وزەكتى ماسەلە – بولاشاق تۇلەكتىڭ ەڭبەك نارىعىندا سۇرانىسقا يە بولۋى. بۇل جەردە ەڭبەك نارىعىنىڭ قاجەتتىلىگىن ەسكەرە وتىرىپ, ياعني كاسىپتىك ستاندارتتار نەگىزىندە كادرلار دايارلاۋ جۇيەسىن قۇرۋ باسىمدىققا يە بولىپ وتىر. ءبىزدىڭ ءبىلىم مينيسترلىگىمەن ورتاق مىندەتىمىز – ءبىلىم بەرۋ جۇيەسىن جۇمىس بەرۋشىلەردىڭ تالاپتارىنا بەيىمدەۋ جانە كاسىپتىك ستاندارتتار نەگىزىندە ءبىلىم بەرۋ باعدارلامالارىن ازىرلەۋ بويىنشا ناقتى ءىس – قيمىل الگوريتمىن ىسكە اسىرۋ», – دەدى ءبىرجان نۇرىمبەتوۆ.
ول سونداي-اق ماڭىزدى ماسەلە قىزمەتكەرلەردىڭ بىلىكتىلىگىن سەرتيفيكاتتاۋ جانە راستاۋ بولىپ تابىلاتىنىن اتاپ ءوتتى.
«بۇگىنگى تاڭدا مامانداردى سەرتيفيكاتتاۋ جۇمىستارى جەرگىلىكتى جەردە جۇرگىزىلۋدە. سەرتيفيكاتتاۋ ورتالىقتارىنا جانە بىلىكتىلىكتى تانۋ راسىمدەرىنە قويىلاتىن بىرىڭعاي تالاپتار, جالپى ادىستەمەلىك قۇرالدار جوق, بۇل قازاقستاندا بىلىكتىلىكتى تانۋدى قيىنداتادى. مينيسترلىك سەرتيفيكاتتاۋدىڭ جانە بىلىكتىلىكتى راستاۋدىڭ بىرىڭعاي جۇيەسىنە كوشۋدى قامتاماسىز ەتۋ بويىنشا جۇمىستاردى باستادى», – دەدى ەڭبەكمينىنىڭ باسشىسى.
كەڭەس بارىسىندا كاسىپتىك ستاندارتتار (بۇدان ءارى – كس) نەگىزىندە ءبىلىم بەرۋ باعدارلامالارىن (بۇدان ءارى – بب) وزەكتەندىرۋ جانە ازىرلەۋ الگوريتمدەرى تالقىلاندى. «ەلەكترونيكانى تەحنيكالىق سۇيەمەلدەۋ» كس ۇلگىسىمەن «الماتى ەنەرگەتيكا جانە بايلانىس ۋنيۆەرسيتەتى» قەاق رەكتورى ساۋلە ساعىنتاەۆا جاڭا بب شەڭبەرىندە ازىرلەۋ الگوريتمىن وقۋدان وتكەن ماماندار سايكەس كەلۋگە ءتيىس قۇزىرەتتەردى ەگجەي-تەگجەيلى بايانداپ بەردى.
نۇر-سۇلتان قالاسىنداعى «پوليتەحنيكالىق كوللەدج» مكقك ديرەكتورى قاسىمحان سەنعازيەۆ كس-نى بب ازىرلەۋ كەزىندە قۇزىرەتتى ءتاسىلدى جۇزەگە اسىرۋ قۇرالى رەتىندە قولدانۋ تۋرالى ايتىپ بەردى.
كەڭەسكە قاتىسۋشىلاردىڭ كاسىبي ستاندارتتارىن دامىتۋ پەرسپەكتيۆالارى تۋرالى ەردو بولجاۋ دەپارتامەنتىنىڭ ماماندىق اتلاسىن سۇيەمەلدەۋ باسقارماسىنىڭ باسشىسى ولگا كيسەلەۆا ايتىپ ءوتتى.
ء«بىز ءبىلىم بەرۋ باعدارلامالارىن جاساۋدا, ماماندىق تاڭداۋدا, پەرسونالدى باسقارۋدىڭ جاڭا نەگىزدەرىن ەنگىزۋدە كاسىبي ستاندارتتاردى قولدانۋ مۇمكىندىگى تۋرالى ايتىپ وتىرمىز. كاسىبي ستاندارتتار نەگىزىندە بىلىكتىلىكتەر بانكى قۇرىلادى, ول ەلەكتروندىق ەڭبەك بيرجاسىندا ورنالاستىرىلادى جانە كاسىپتەردى تاڭداۋدا جانە قاجەتتى داعدىلاردى تابۋدا ءوتىنىش بەرۋشى مەن جۇمىس بەرۋشى اراسىندا تەز ءارى ءتيىمدى ديالوگ قۇرالىنا اينالادى», – دەدى ساراپشى.
ءىس-شارا سوڭىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ پەن ءبىلىم جانە عىلىم ءمينيسترى اسحات ايماعامبەتوۆ ۆەدومستۆولاردىڭ تالقىلاناتىن باعىتتا ودان ءارى ىنتىماقتاستىعىن رەتتەيتىن مەموراندۋمعا قول قويدى.
قول قويىلعان قۇجات شەڭبەرىندە ەڭبەكمينى مەن بعم بەكىتىلگەن كس نەگىزىندە بب تىزبەسىن جانە تيپتىك وقۋ جوسپارلارى مەن باعدارلامالارىن بىرلەسىپ قالىپتاستىرۋدى كەلىسەدى, بب ازىرلەۋگە تارتىلاتىن بازالىق جوو-لاردى انىقتايدى, سونداي-اق بب ازىرلەۋ ادىستەمەسى بويىنشا وقىتۋ جۇرگىزەدى.
بب ازىرلەگەننەن كەيىن تاراپتار ولاردى ءبىلىم بەرۋ ۇيىمدارىنىڭ جۇيەسىنە بىرلەسىپ ەنگىزەدى, بەكىتىلگەن كس نەگىزىندە تەحنيكالىق جانە كاسىپتىك ماماندىقتار ءۇشىن ۇلگىلىك وقۋ جوسپارلارى مەن باعدارلامالارىن وزەكتەندىرەدى جانە تەحنيكالىق جانە كاسىپتىك ءبىلىم بەرۋ ۇيىمدارىنا وقۋ جوسپارلارى مەن باعدارلامالارىن ەنگىزۋدە كومەك بولاتىن وقىتۋ سەمينارىن وتكىزەدى.