وڭتۇستىك قازاقستان وبلىسىنداعى سارىاعاش اۋدانىندا تۇراتىن ەرعالي جانە اينيسا ارىستانوۆتار وتباسىندا ۇشەم – ءۇش قىز بالا دۇنيەگە كەلدى. بۇل تۋرالى «يۋجنىي كازاحستان» گاحەتى حابارلادى.
قىزدار 14 تامىز كۇنى اۋداندىق اۋرۋحانادا تۋىلعان. بىراق سالماقتارى كەم بولىپ تۋىلعاندىقتان, ءۇش كۇننەن كەيىن انالارىمەن بىرگە №1 وبلىستىق پەريناتالدى ورتالىققا جونەلتىلگەن.
دارىگەرلەردىڭ ايتۋلارىنشا, ايمان, شولپان جانە ايجان ەسىمدى نارەستەلەردىڭ دەنساۋلىق جاعدايلارى قازىر جاقسى. ولار ۇيلەرىنە شىعارىلعالى تۇر. ال ۇيلەرىندە ءۇش بىردەي قارىنداسىن كۇتىپ, داۋرەن ەسىمدى ەكى جاسار ۇل ءجۇر.
«بيىلعى جىلى ءبىزدىڭ پەريناتالدى ورالىقتا 135 ەگىز دۇنيەگە كەلدى. ال ۇشەم ءبىرىنشى رەت بولىپ تۇر», - دەيدى جاڭا تۋعانداپ پاتولوگياسى بولىمشەسىنىڭ مەڭگەرۋشىسى روزا الدامجاروۆا.
راس, ۇشەم دەگەن كۇندە تۋمايدى. بۇل دا بولسا اللانىڭ سىيى شىعار.
بىراق دۇنيەگە ۇشەم كەلىپ جاتقان وتباسىنىڭ ەكى يەسى – ەرلى-زايىپتى ەرعالي مەن اينيسا جۇمىسسىز ەكەن. ونىڭ ۇستىنە سارىاعاشتا پاتەر جالداپ تۇرادى.
ناعىز كومەكتى قازىر وسى وتباسى كەرەك ەتەدى.
مۇرات ايتقوجا.