وسكەمەن قالاسىندا سايجايلىق ءۇيدىڭ قۇلاپ تۇسۋىنەن 59 جاستاعى ەر كىسى قازا تاپتى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتىنەن حابارلادى.
«قايعىلى وقيعا سەنبىدەن جەكسەنبىگە قاراعان ءتۇنى ورىن الدى. مامانداردىڭ ايتۋلارىنشا, گاز بەن اۋانىڭ قوسىلۋىنان ورىن العان جارىلىستىڭ سالدارىنان ءۇي قۇلاپ قالعان» دەپ جازادى Altaynews.kz.
وقيعا بولعان جەرگە جەتكەن قۇتقارۋ جاساعىنىڭ ساربازدارى ءۇيىندىنىڭ استىنان ەر ادامنىڭ دەنەسىن شىعارعان. بىراق بۇل كەزدە ول ەشقانداي كومەكتى كەرەك ەتپەيتىن ەدى.
قايرات قوجانازار.