جاسى 4-تەگى بوببي تافتسا اقش-تىڭ ميننەسوتا شتاتىنداعى دوسەت اتتى شاعىن قالانىڭ مەرى بولىپ سايلاندى. بۇل تۋرالى بۇگىن Planeta-Novosti.At.UA حابارلادى.
دورسەت – ۇكىمەتتىڭ رەسمي ەسەبىندە جوق قالا. دەمەك, ونىڭ مەرى دە شىن مانىندە رەسمي ۋاكىلدىككە يە ەمەس. ول تىركەلگەن كۇنىنەن باستاپ-اق ونداي قۇقىققا يە بولا المايدى.
قازىرگى تاڭدا بۇل شاعىن اۋماقتا 28 ادام تۇرىپ جاتىر.
مۇندا داۋىس بەرۋ قۇقىعى جاس بالالارعا دا وپ-وڭاي بەرىلە سالادى. ال تافتستا قالاشىق مەرى دەگەن مارتەبەگە تالاسۋشى جالعىز بالا بولعان جوق. بۇل جەردە بۇدان بىرنەشە جىل بۇرىن مەرلىككە تالاسۋشى كانديداتتاردىڭ اراسىندا ءتىپتى يت تە بولىپتى.
سايلاۋ كەزىندە قالاشىقتاعى سايلاۋشىلاردىڭ قانشا رەت اينالىپ كەلىپ داۋىس بەرەمىن دەسە دە قۇقىقتارى بار. تەك ءاربىر كەلگەندەرىندە 1 دوللاردان اقشا تولەپ تۇرادى. سودان كەيىن عانا بيۋللەتەندى جاشىككە سالا الادى.
وسىلايشا قالاشىقتىڭ كەلەسى جولعى مەرى كىم بولاتىنى انىقتالادى. ەشقانداي ۋاكىلەتتىگى, سوعان وراي ەشبىر جاۋاپكەرشىلىگى جوق قالا باسشىسى لاۋازىمىن تافتسا وسىمەن قاتارىنان ەكىنشى رەت جەڭىپ الىپ وتىر.
ال سايلاۋ جىل سايىن وتكىزىلىپ تۇرادى.
مۇرات ايتقوجا.