شوتلانديانىڭ «سەلتيك» فۋتبول كومانداسىنىڭ باس جاتتىقتىرۋشىسى نيل لەننون بۇگىن, 10 تامىز كۇنى كومانداسى دۋبليندە «ليۆەرپۋلمەن» جولداستىق كەزدەسەر الدىندا تاياۋ كۇندەردە قاراعاندىنىڭ «شاحتەرىمەن» وتەتىن ويىن تۋرالى دا ويىن بىلدىرە كەتتى. بۇل تۋرالى Vesti.kz حابارلادى.
«بىزگە بۇرىن بەلگىسىز بولعان قارسىلاس تاپ كەلدى. بىراق ءبىز مۇمكىندىگى بولعانشا قاجەتتى اقپاراتتى كوبىرەك جيناپ, بۇل ولقىلىقتىڭ ورنىن تەز تولتىرۋعا تىرىسامىز», - دەدى لەننون. باپكەردىڭ ايتۋىنشا, ونى قازاقستانعا جەتكىزەتىن ۇزاق جولعى ساپار سەسكەندىرەدى. «لوگيستيكالىق تۇرعىدان قاراعاندا, الىستاعى استاناعا ساپار شەگۋ بىزگە سۇمدىق قيىن نارسەدەي كورىنەدى. ءبىز چەمپيوناتتىڭ ءبىرىنشى ماتچىن 17 تامىز, سەنبى كۇنى «ابەردينمەن» وتكىزەمىز. سوسىن, بالكىم, بىردەن قازاقستانعا ۇشاتىن شىعارمىز», - دەدى تاعى ول.
ەسكە سالا كەتەيىك, پلەي-وففتتىڭ ءبىرىنشى كەزدەسۋىن قاراعاندىنىڭ «شاحتەرى» 20 تامىز كۇنى استاناداعى «استانا-ارەنا» سپورت كەشەنىندە وسى كوماندامەن وتكىزەدى. ال ءبىر اپتادان كەيىن كوماندالار گلازگودا قارىمتا ماتچتا باس قوسادى.
دامير قوجامقۇل.