دوستىق ۇيىندە «جاھانداعى زاماناۋي قازاقستاندىق مادەنيەت» جوباسى اياسىندا بۇۇ-نىڭ 6 تىلىنە اۋدارىلعان قازاق ادەبيەتى انتولوگيالارىنىڭ تانىستىرىلىمى ءوتتى.
بۇل جوبا قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا.نازارباەۆتىڭ باستاماسىمەن جۇزەگە اسىپ جاتقان «رۋحاني جاڭعىرۋ» باعدارلاماسى باعىتتارىنىڭ ءبىرى رەتىندە تاۋەلسىزدىك جىلدارىنداعى قازاق ادەبيەتى مەن مادەنيەتىن, مۋزىكاسى مەن بەينەلەۋ ونەرىن, حورەوگرافيا, كينو جانە تەاتر سالاسىنداعى جەتىستىكتەرىن الەمگە تانىتۋدى ماقسات ەتەدى.
قازاق قالامگەرلەرى شىعارمالارىنىڭ تانىستىرىلىمىنا قازاقستان رەسپۋبليكاسىنىڭ مەملەكەتتىك حاتشىسى, «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيانىڭ توراعاسى قىرىمبەك كوشەرباەۆ, قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا, الماتى قالاسىنىڭ اكىمى باقىتجان ساعىنتاەۆ جانە تۋىندىلارى الەمنىڭ الشتى تىلىنە اۋدارىلعان قالامگەرلەر مەن اۋدارماشىلار قاتىستى.
جيىننىڭ اشىلۋ سالتاناتىندا ءسوز سويلەگەن قازاقستان رەسپۋبليكاسىنىڭ مەملەكەتتىك حاتشىسى ۇ.كوشەرباەۆ قازاق ادەبيەتىنىڭ ۇزدىك ۇلگىلەرىن بۇۇ-نىڭ 6 تىلىنە اۋدارۋ جانە ونى وسىنداي كەڭ كولەمدە تاراتۋ – بۇرىن سوڭدى ءبىزدىڭ تاريحىمىزدا بولماعانىنا توقتالدى.
قازاق ادەبيەتى جيناقتارىنىڭ اعىلشىن تىلىندەگى نۇسقاسىن كەمبريدج ۋنيۆەرسيتەتىنىڭ باسپاسى, اراب تىلىندەگى باسىلىمىن مىسىردىڭ ۇلتتىق ءبىلىم جانە مادەنيەت ورتالىعى, يسپان تىلىندەگى جيناقتاردى سەرۆانتەس ينستيتۋتى, ورىس تىلىندەگى انتولوگيالاردى م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ باسپا ءۇيى, قىتاي تىلىندەگى جيناقتاردى بەيجىڭدەگى ۇلتتار باسپاسى, فرانتسۋز تىلىندەگى باسىلىمدى ءپاريجدىڭ مادەني بىرلەستىگى دايىندادى. اتالعان سەرىكتەس-ۇيىمدار اۋدارما, باسىپ شىعارۋ, تاراتۋ-ناسيحاتتاۋ جۇمىستارىنا 300-گە جۋىق مامان جۇمىلدىرىلعان.
الماتى