بيىل ارقادا قىس قاتتى. اقىرعان ايازى بولماعانىمەن, قار قالىڭ ءتۇستى. ورمان-توعايدى, جايىلىمدىق جەردى باسىپ قالدى. تابيعاتتىڭ توسىن مىنەزى جابايى اڭ-قۇستى دا قىسپاققا الۋدا.
قىس قاھارىنا مىنگەلى «كوكشەتاۋ» مەملەكەتتىك ۇلتتىق تابيعي پاركىنىڭ قىزمەتكەرلەرى ورمان القابىنداعى جابايى جانۋارلار مەن اڭ-قۇستارعا استاۋ جاساپ, جەم-ءشوپ جەتكىزۋدى ۇدايى جۇرگىزىپ كەلەدى. بيوتەحنيكالىق ءىس-شارالاردىڭ ناتيجەسىندە ايماقتاعى اڭ-قۇستىڭ سانى اناعۇرلىم ارتقان.
– «2007 جىلدان بەرى جۇمىس ىستەيمىن. قىس قيىندىعىنان قىسىلعان, ازىقسىز قالعان اڭ-قۇستى قورىپ كەلەمىز. قورەكتەنۋگە ارنالعان الاڭقايلار سالىپ العانبىز. جازدا ءجىتى قيمىلداپ, 40 مىڭ اعاش جاپىراعىنىڭ تۋماسىن, 42 توننا جەم-ءشوپ ازىرلەگەنىمىز جاقسى بولىپتى»,– دەيدى باس ورمانشى الەكسەي لي.
سوڭعى ءۇش جىلداعى ۇلتتىق پارك اۋماعىندا اڭ اۋلاۋعا جاريالانعان موراتوريگە بايلانىستى وڭىردە براكونەردىڭ مىلتىعىنىڭ قاراۋىلىنا ىلىكپەگەن اڭ-قۇس كوبەيىپ كەلەدى. تابيعاتى تامىلجىعان ولكەدە ەلىك, مارال, دالا دوڭىزى, تۇلكى مەن قويان, وزگە دە اڭ-قۇستىڭ جۇزدەگەن ءتۇرى مەكەن ەتەدى.
– ء«بىزدىڭ جىلاندى ورمانشىلىعىنىڭ القاپتارىندا جابايى اڭ-قۇسقا اپتا ارالاتىپ جەم-ءشوپ سالامىز. قاردىڭ قالىڭدىعى جانۋارلاردىڭ ازىق تابۋىنا قيىنشىلىق تۋدىرىپ وتىر», – دەيدى «كوكشەتاۋ» مەملەكەتتىك ۇلتتىق تابيعي پاركى زەرەندى فيليالىنىڭ ديرەكتورى كۇشپاي بۇقانوۆ.
اڭ-قۇستى امان الىپ قالۋ پارىز. بۇل ورايدا ورمانشىلاردىڭ ءىسى وڭدى.
اقمولا وبلىسى.