7-8 اقپاندا بەلگيانىڭ كورترەيك قالاسىندا وتەتىن تەننيستەن فەدەرتسيا كۋبوگى جولىنداعى جارىستىڭ ىرىكتەۋ سايىسىندا قازاقستان قۇراماسىنىڭ كورت قوجايىندارىمەن كۇش سىناستىنى بەلگىلى.
بۇگىن قازاقستان تەننيس فەدەراتسياسى جەرلەستەرىمىز وسى باسەكەدە قانداي قۇرامدا وينايتىنىن رەسمي تۇردە جاريا ەتتى. بۇل كەزدەسۋدە ءبىزدىڭ كوماندانىڭ ساپىندا يۋليا پۋتينتسەۆا, زارينا دياس, اننا دانيلينا جانە ياروسلاۆا شۆەدوۆا ونەر كورسەتەدى.
بۇل ويىنشىلاردىڭ ەسىمدەرىنىڭ بارلىعى دا جانكۇيەرلەرگە جاقسى تانىس. ماسەلەن, يۋليا پۋتينتسەۆا مەن زارينا دياس بۇگىنگى تاڭدا الەمنىڭ «توپ-100» تەننيسشىسى قاتارىندا. تارقاتىپ ايتساق, WTA رەيتينگىندە يۋليا – 34 جانە زارينا 63 ورىندا تۇر. جۋىردا عانا ولار مەلبۋرندە وتكەن اۆستراليانىڭ اشىق بىرىنشىلىگىنىڭ ءۇشىنشى اينالىمىنا دەيىن جەتتى.
اننا دانيلينا ۇزدىكتەر تىزىمىندە 286 ورىندى يەلەنسە, جۇپتار اراسىنداعى رەيتينگتە 122 ورىندى ەنشىلەۋدە.
ال بىرەر ۋاقىتقا سوزىلعان ۇزىلىستەن كەيىن كورتقا قايتا ورالعان ياروسلاۆا شۆەدوۆا كەزىندە جەكەلەگەن رەيتينگتە 25 ساتىعا دەيىن كوتەرىلسە, جۇپتىق رەيتينگتە ءتورتىنشى ورىندى يەلەنگەن.