اۋا رايىنىڭ قولايسىزدىعىنا بايلانىستى قازاقستاننىڭ ءۇش ايماعىندا اۆتوكولىك قوزعالىسى جابىلدى. بۇل تۋرالى قازاقپارات اگەنتتىگى حابارلادى.
قاراعاندى وبلىسىندا كوكتايعاق بولۋىنا بايلانىستى «قىزىلوردا-پاۆلودار» رەسپۋبليكالىق اۆتوجولىنىڭ ۋچاسكەسىندە (مولودەجنوە اۋىلىنان پاۆلودار وبلىسىنىڭ شەكاراسىنا دەيىن, 1066-1135 كم) كولىكتىڭ بارلىق تۇرلەرى ءۇشىن قوزعالىس جابىلعان. پاۆلودار وبلىسىندا كوكايعاقتان كولىكتىڭ بارلىق تۇرلەرىنە ارنالعان قوزعالىس «قىزىلوردا-پاۆلودار» رەسپۋبليكالىق اۆتوجولىنىڭ ۋچاسكەسىندە (بوشاكولدەن قاراعاندى وبلىسىنىڭ شەكاراسىنا دەيىن, 1135-1006 كم) جابىلدى.شىعىس قازاقستان وبلىسىندا ءۇش باعىتتاعى جولدار دا كوكتايعاقتىڭ اسەرىنەن «ۆوسكرەسەنوۆكا-پەتروپاۆلوۆكا-شەلەحوۆو-بەل-اگاش-دميتريەۆكا» (0-42 كم), «چارسك-باكىرچيك» (0-42 كم), بورودۋليحا - جەزكەنت »(0-49 كم) تراسسالارى جابىلدى.