قازاقستان شاحمات فەدەراتسياسىنىڭ پرەزيدەنتى قىزمەتىن 2015 جىلدىڭ شىلدە ايىنان بەرى Shakhmardan Yessenov Foundation عىلىمي ءبىلىم بەرۋ قورىنىڭ قۇرىلتايشىسى جانە الماتى مارافونىنىڭ نەگىزىن قالاۋشى عالىمجان ەسەنوۆ اتقارىپ كەلگەن بولاتىن.
«سوڭعى ۋاقىتتا مەنىڭ نازارىمدى اۋدارعان كوپتەگەن الەۋمەتتىك جوبا پايدا بولدى. سونىڭ ىشىندە 2 سپورت فەدەراتسياسى مەن اسسوتسياتسيالار بار. سوندىقتان مەن ارىپتەستەرىمە شاحمات فەدەراتسياسىنىڭ جاڭا پرەزيدەنتىن سايلاۋ تۋرالى ۇسىنىس جاسادىم. ءبىز سپورتشىلاردىڭ, جاتتىقتىرۋشىلاردىڭ, ۇيىمداستىرۋشىلاردىڭ جانە دە مەنەدجەرلەردىڭ ۇزدىك كومانداسىن جينادىق. قازىرگى تاڭدا قازاقستان شاحمات فەدەراتسياسىندا بارلىق بيزنەس-ۇردىستەر مەن ستاندارتتار جولعا قويىلعان. جاڭا باسشىلىقپەن فەدەراتسيا الداعى ۋاقىتتا دا تاماشا ناتيجەلەر كورسەتىپ, جاڭا بەلەستەردى باعىندىراتىنىنا سەنىمدىمىن», – دەگەن عالىمجان ەسەنوۆ قۇرىلتاي شەشىمىنە تۇسىنىكتەمە بەردى.
سوڭعى بەس جىلدا ايەلدەر قۇراماسى كوماندالىق الەم چەمپيوناتىندا بەسىنشى جانە دۇنيەجۇزىلىك شاحمات وليمپياداسىندا ون ءبىرىنشى ورىنعا يە بولدى. قازاقستاندا الەمنىڭ ەڭ ۇزدىك شاحماتشىلارىن جيناعان ءىرى شاحمات تۋرنيرلەرى وتكىزىلدى. قازاقستاندىق شاحماتشىلار ازيا چەمپيوناتى, ازيا ۇلتتارى كۋبوگى, جابىق جايلارداعى ازيا ويىندارى سىندى ءىرى حالىقارالىق تۋرنيرلەردىڭ جەڭىمپازدارى مەن جۇلدەگەرلەرى اتاندى.
«عالىمجان ەسەنوۆتىڭ باسشىلىعىمەن وسى ارالىقتا شاحمات فەدەراتسياسى وراسان زور جۇمىستار اتقاردى. شاحماتشىلارىمىزدىڭ قاتارى جاڭا الەم چەمپيوندارىمەن تولىقتى. قازاقستاندىق سپورتشىلار حالىقارالىق تۋرنيرلەردەن ەلىمىزگە 202 جۋىق مەدال الىپ كەلدى», – دەيدى قشف اتقارۋشى ديرەكتورى يرينا گريششەنكو.
31 قاڭتار كۇنى قازاقستان شاحمات فەدەراتسياسىنىڭ (قشف) كەزەكتەن تىس قۇرىلتايى بولىپ ءوتتى. بۇل قۇرىلتايدا ۇيىمنىڭ جاڭا پرەزيدەنتى بولىپ بەيبىت اتامقۇلوۆ سايلاندى.