جۋرناليستەردىڭ ۇستازىنا ارنالدى

جيىندى ەۋرازيا ۇلتتىق ۋني­ۆەرسيتەتىنىڭ رەكتورى ەر­لان سىدىقوۆ اشىپ, مەرەيتوي يەسىن قۇتتىقتاۋعا ار­نا­يى جيىلعان جۋرناليستي­كا سالاسىنىڭ تانىمال تۇلعا­لارىنا ءسوز كەزەگىن بەردى. ايتۋ­لى ۇستازعا مەملەكەتتىك حات­شى ق.كوشەرباەۆ قۇتتىقتاۋ حاتىن پرەزيدەنتتىڭ كەڭەس­شىسى, پروفەسسور باۋىرجان ومار­ ۇلى تاپ­سىردى. پرەزي­دەنت اكىم­شى­لىگى باسشىسى ءبىرىنشى ورىن­باسارى م.اشىم­باەۆتىڭ قۇتتىقتاۋ حاتىن پرەزيدەنتتىڭ ءباسپاسوز حاتشىسى بەرىك ءۋالي, Nur Otan پار­تياسى باسشىلىعىنىڭ قۇت­ت­ىق­تاۋىن پارتيا حاتشىسى ارمان قىرىقباەۆ, پارلا­مەنت ءماجى­لىسى توراعاسىنىڭ قۇت­تىق­تاۋ حاتىن ءماجىلىس دە­پۋ­تاتى دارحان مىڭباي وقىپ بەردى. بۇل كىسىلەردىڭ ار­قاي­سى­سى جۋرناليستيكانىڭ تۇتاس بۋى­نىن تاربيەلەگەن ۇ­س­تازعا ءوز تا­راپ­تارىنان دا ىقى­لاس­تى سوزدەرىن ارناپ, قۇرمەت كورسەتتى.

جۋرناليستيكانىڭ كوري­فەيىنە جالىندى جىلدارى وتكەن الماتى ارقاشان دا ىس­تىق. الماتىنىڭ ىستىق سا­لە­مىن اقىن باۋىرجان جاقىپ پەن عالىم ساعاتبەك م­ە­دەۋ­­بەك ۇلى جەتكىزدى. ءبىرى قازاق­­ستان جازۋشىلار وداعى, ەكىن­شىسى ءال-فارابي اتىنداعى قازاق ۇلتتىق ۋنيۆەرسيتەتى جۋر­ناليستيكا فاكۋلتەتىنىڭ اتى­نان ن.وماش ۇلىنا جۇرەك­جاردى لەبىزدەرىن ارنادى, سىي-سياپاتتارىن تاپسىردى. «اقىنعا قارا سوزدەن ولەڭ وڭاي» دەمەكشى, باۋىرجان جاقىپ «ويتالدان شىققان وي­لى اعام» دەگەن ورنەكتى ولەڭى­­مەن مەرەيتوي يەسىنىڭ بەي­نەسىن جاسادى.

كونفەرەنتسيا بارىسىندا اقپارات جانە قوعامدىق دامۋ ءمينيسترى داۋرەن اباەۆ مەرەيتوي يەسى تۋرالى پىكىرىن ءبىلدىردى. «نامازالى وماش­ ۇلى – جاستارعا ۇلگى بولعان, زامانداستارى ءۇشىن بوي تۇزەۋگە لايىق تۇلعا. قاراشاڭىراق قازۇۋ-دە, ەۋرازيا ۇلتتىق ۋنيۆەر­سيتەتىندە جۋرناليستي­كا فاكۋلتەتتەرىن باسقارعان كاسىبي مەنەدجەر. جۇزدەگەن ستۋ­دەنتتەردىڭ توماعاسىن سى­پىر­عان باپكەر. ءبىر سوزبەن ايتقاندا ەلىمىزدە جۋرنا­ليس­تيكانىڭ تۇتاس ءبىر بۋىنىنىڭ قالىپتاسۋىنا زور ۇلەس قوسقان ۇلاعاتتى ۇستاز» دەدى ول. وعان قوسا مينيستر جۋرناليستيكانى دامىتۋ ءۇشىن مينيسترلىك جاساعان 2020-2023 جىلدارعا ارنالعان ۇلتتىق جوسپار تۋرالى اڭگىمەلەدى. ول جوسپار بويىنشا مەديا نارىققا مۋلتيمەديالىق ونىمدەردى شى­عارۋ, اۋىل حالقىن راديوحابارلارمەن قامتاماسىز ەتۋ, باسپا باق ءۇشىن سالىقتىق جەڭىلدىك قاراستىرۋ كوزدەل­گەن. سونداي-اق ءمينيستردىڭ ايتۋىن­شا, «مادەنيەت» تەلەارناسى اشىلىپ, بيىل تۇڭعىش رەت جاس جۋرناليستەر اراسىندا ء«ۇمىت» بايقاۋى ۇيىم­داس­تىرىلادى.

جالپى, كونفەرەنتسيادا زيالى قاۋىم وكىلدەرى, جۋرناليستەر, اقىندار, مەرەيتوي يەسىنىڭ شاكىرتتەرى مەن زامانداستارى تاراپىنان ن.وماش ۇلىنىڭ مەرەيىن تا­سىتقان قۇتتىقتاۋلار مەن تىلەك­­تەر, پىكىرلەر مەن لەبىزدەر كوپ ايتىلدى.

ءىس-شارا بارىسىندا مەرەيتوي يەسى جايلى «وتكىر ءسوزدىڭ الماس كەزدىگى» اتتى دەرەكتى فيلم كورسەتىلدى. سونداي-اق ءال-فارابي اتىنداعى قازاق ۇلتتىق ۋنيۆەرسيتەتى عىلىمي كەڭەستىڭ بەكىتۋىمەن «ونەگەلى ءومىر» سەرياسى اياسىندا جارىق كورگەن نامازالى وماش ۇلى تۇلعاسىنا ارنالعان كىتاپتىڭ تۇساۋسكەسەرى وتكىزىلدى.

ايتا كەتۋ كەرەك, كونفەرەن­تسيا شەڭبەرىندە ۋنيۆەر­سي­تەتتىڭ «كۇلتەگىن» اتريۋمىندا عالىم ەڭبەكتەرىنىڭ ار­نايى كورمەسى دە ۇيىم­داس­تىرىلدى.