ە. ءبىرتانوۆ كوروناۆيرۋستىڭ زەرتحانالىق دياگنوستيكاسى قالاي جۇرەتىنىن ءتۇسىندىردى

nCoV-2019 جاڭا كوروناۆيرۋسىنىڭ زەرتحانالىق دياگنوستيكاسى اسا قاۋىپتى ينفەكتسيالار ۇلتتىق عىلىمي ورتالىعىنىڭ ورتالىق رەفەرەنس زەرتحاناسىندا (ورز) ددسۇ مەن اقش-تىڭ اۋرۋلاردى باقىلاۋ جانە الدىن الۋ ورتالىعىنىڭ ادىستەمەسىنە سايكەس ۇلتتىق بيوتەحنولوگيالار ورتالىعىمەن بىرلەسىپ Real-Time RT-PCR ادىسىمەن جۇرگىزىلەدى.

تىنىس الۋ جولدارىنان, قاقىرىق, جوتەل كەزىندە برونحتان بولىنەتىن زات, سونداي-اق قان سارىسۋى اناليزگە الىنادى.

ساراپشىلار پاتسيەنتتەن الىنعان سىنامانى زەرتحانالىق تەستىلەۋدەن وتكىزىپ, كوروناۆيرۋستىڭ رنك تەكسەرەدى, بۇل كورونوۆيرۋستىق ينفەكتسيانى انىقتاۋعا مۇمكىندىك بەرەدى.

بارلىق پروتسەدۋرالار CDC/ددسۇ حاتتاماسىنا سايكەس دياگنوستيكالىق جۇيە بويىنشا ورىندالادى.

تۇماۋ ماۋسىمىن ەسكەرە وتىرىپ, كوروناۆيرۋستىڭ سيمپتومدارى بايقالعان جاعدايدا, اۋرۋدىڭ الدىن الۋ ءۇشىن بارلىق پاتسيەنتتەر تۇماۋعا, جرۆي جانە باسقا دا كوروناۆيرۋس تۇرلەرىنە قارسى قوسىمشا تەكسەرۋدەن وتەدى.

ناۋقاستاردىڭ تەرىس جانە وڭ سىنامالارى دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ ۇلتتىق ورتالىعىنىڭ ۆيرۋستىق ينفەكتسيالاردى باقىلاۋ جونىندەگى ددسۇ اككرەديتتەلگەن زەرتحاناسىنىڭ بازاسىندا قايتا تەكسەرۋدەن وتەدى.

دياگنوستيكانىڭ سوڭعى ساتىسى رەتىندە سىناما ددسۇ ىنتىماقتاسقان زەرتحاناسىنا قايتا جىبەرىلەدى.

كوروناۆيرۋسقا تاپسىرىلعان اناليز دياگنوستيكادان وتكەنشە پاتسيەنتتى مەديتسينا قىزمەتكەرلەرى تاۋلىك بويى باقىلاۋدا ۇستايدى جانە ولار مەديتسينالىق مەكەمەلەردىڭ وقشاۋلانعان بوكستارىندا بولادى.

قازىر ورز بازاسىندا كوروناۆيرۋسقا قارسى 100 سىناما زەرتتەلدى, ناتيجەسىندە ۆيرۋس جۇقتىرعان ادام انىقتالعان جوق.