ەڭبەك جانە حالىقتى الەۋمەتتىك قورعاۋ مينيسترلىگى تسيفرلىق جوبالاردى ىسكە اسىرۋ جانە مەملەكەتتىك قىزمەتتەردى ەلەكتروندىق جانە پرواكتيۆتى فورماتقا كوشىرۋ ارقىلى بيۋدجەت قاراجاتىن 3,03 ملرد تەڭگەگە ۇنەمدەدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
بۇل سومانى ەسەپتەۋ كەزىندە «ەلەكتروندىق ەڭبەك بيرجاسى» جانە «ەڭبەك شارتتارىن ەسەپكە الۋدىڭ بىرىڭعاي جۇيەسى» سياقتى جوبالار, سونداي-اق ەلەكتروندىق فورماتقا اۋىستىرىلاتىن مەملەكەتتىك قىزمەتتەر ەسكەرىلدى.
ەلەكتروندىق ەڭبەك بيرجاسى 2 جىل ىشىندە جۇمىس بەرۋشىلەر مەن جۇمىس ىزدەۋشىلەردىڭ شىعىندارىن الىپ تاستاۋ ەسەبىنەن 1,6 ملرد تەڭگە كولەمىندە قاراجات ۇنەمدەۋگە مۇمكىنجىك بەردى. مىسالى, قازىر جۇمىس بەرۋشىلەرگە حالىقتى جۇمىسپەن قامتۋ ورتالىقتارىنا (بۇدان ءارى – حجقو) كەلۋدىڭ قاجەتى جوق, بوس جۇمىس ورىندارى بار بۋما قاعازدى تاپسىرۋدىڭ قاجەتى جوق, ەندى حجقو شتاتىندا بۇرىنعىداي وسى دەرەكتەردى قولمەن ەنگىزەتىن بىرنەشە ادامنىڭ بولۋى قاجەت ەمەس.
ەلەكتروندىق ەڭبەك شارتتارىن ەسەپكە الۋدىڭ بىرىڭعاي جۇيەسى شارتتى باسىپ شىعارۋعا ەمەس, ونى بازادا ساقتاۋعا مۇمكىندىك بەرەدى. بۇرىن كەلىسىم-شارتقا قول قويۋ جانە باسىپ شىعارۋ ءۇشىن جۇمىس بەرۋشىلەر اقشا جۇمساپ, ولاردى ساقتاۋ ءۇشىن جەكە ورىن ءبولۋ كەرەك ەدى. پيلوتتىق جوبا ىسكە قوسىلعان ساتتەن باستاپ 1,5 جىل ىشىندە ەڭبەك ءمينيسترى 430 ملن تەڭگەنى ۇنەمدەدى.
الەۋمەتتىك-ەڭبەك سالاسىن تسيفرلاندىرۋدا مەملەكەتتىك قىزمەتتەردى ەلەكتروندىق جانە پرواكتيۆتى فورماتتارعا كوشىرۋ ماڭىزدى ءرول اتقارادى. ۇنەمدەۋدىڭ نەگىزگى بولىگى - بارلىق قۇجاتتاردى قاعازعا باسىپ شىعارۋ قاجەتتىلىگىنىڭ بولماۋى. بۇل بىرقاتار الەۋمەتتىك جانە ەڭبەك قىزمەتتەرىن SMS ارقىلى, egov.kz پورتالىندا نەمەسە EgovKzBot2.0 Telegram-بوتىندا الۋعا بولاتىندىعىنا بايلانىستى. وسىنىڭ ارقاسىندا قىزمەتتەردى كورسەتۋدەن ۇنەمدەلگەن قاراجات 1 ملرد تەڭگەنى قۇرادى.
«كورىپ وتىرعانىڭىزداي, ەڭ ماڭىزدىسى تسيفرلاندىرۋ ازاماتتاردىڭ ءومىرىن جەڭىلدەتىپ قانا قويمايدى. ول سونداي-اق پروتسەستەردى اشىق ەتەدى, بيۋدجەت قاراجاتىن ۇنەمدەۋگە جاناما مۇمكىندىك بەرەدى. تەك 2019 جىلدىڭ وزىندە ەكونوميكالىق تيىمدىلىك 2,154 ملرد تەڭگەگە جەتتى», دەدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشەۆ.
ەستەرىڭىزگە سالا كەتەيىك, الەۋمەتتىك-ەڭبەك سالاسىن تسيفرلاندىرۋ 2018 جىلى باستالدى. ونىڭ اياسىندا «ەلەكتروندىق ەڭبەك بيرجاسى», «ەلەكتروندىق ەڭبەك شارتتارىن ەسەپكە الۋدىڭ بىرىڭعاي جۇيەسى», «وتباسىنىڭ الەۋمەتتىك كارتاسى» جانە باسقا دا ءىرى جوبالار ىسكە اسىرىلۋدا.