قۇتقارۋشىلار ساحالين وبلىسىنداعى موردۆينوۆ شىعاناعىندا مۇزدا جۇرگەن 536 بالىقشىنى ەۆاكۋاتسيالادى. بۇل تۋرالى RT سايتىندا جاريالاندى.
جەرگىلىكتى ۋاقىت بويىنشا 23:20-دا قۇتقارۋشىلار اۋەسقوي بالىقشىلاردى جاعاعا شىعاردى. بالىقشىلاردىڭ ەشقايسىسى مەديتسينالىق كومەككە مۇقتاج ەمەس. قۇتقارۋ جۇمىستارىنا 15 ادام, ءۇش قايىق جانە «حيۆۋس-10» اۋە كەمەسى تارتىلعان.
توتەنشە جاعدايلار مينيسترلىگى بۇدان بۇرىن دا موردۆينوۆ شىعاناعىندا جاعادان 2 كم قاشىقتىقتا مۇز جارىلعانى تۋرالى ايتقان. قۇتقارۋشىلار مۇزعا شىعۋ ءالى دە قاۋىپتى ەكەنى جايلى ەسكەرتتى.
بۇعان دەيىن ساحالين وبلىسىنداعى سۆوبودنىي اۋدانىندا 600-گە جۋىق بالىقشى قۇتقارىلعان.