جەكسەنبى كۇنى فۋتبولدان قازاقستان چەمپيوناتىنىڭ كەزەكتى تۋرى ءوتتى.
كوماندالار پرەمەر-ليگادا 22 ويىن وتكىزىپ, ءبىرىنشى كەزەڭدى اياقتادى. ازىرگە 22 تۋردان كەيىن «اقتوبە» كومانداسى تۋرنير كەستەسىندە كوش باستاپ كەلەدى. وسى تۋردا كوماندا 47 ۇپايمەن ەكىنشى ورىنداعى «استانادان» ارتىق 6 ۇپاي جيناپ, ءبىرىنشى كەزەڭنىڭ ۇزدىگى بولىپ تانىلدى. بۇل كەزدەسۋگە ۆلاديمير نيكيتەنكو نەگىزگى قۇرامدى شىعارعان جوق. كوماندانىڭ نەگىزگى قۇرامى
جەكسەنبى كۇنى فۋتبولدان قازاقستان چەمپيوناتىنىڭ كەزەكتى تۋرى ءوتتى.
كوماندالار پرەمەر-ليگادا 22 ويىن وتكىزىپ, ءبىرىنشى كەزەڭدى اياقتادى. ازىرگە 22 تۋردان كەيىن «اقتوبە» كومانداسى تۋرنير كەستەسىندە كوش باستاپ كەلەدى. وسى تۋردا كوماندا 47 ۇپايمەن ەكىنشى ورىنداعى «استانادان» ارتىق 6 ۇپاي جيناپ, ءبىرىنشى كەزەڭنىڭ ۇزدىگى بولىپ تانىلدى. بۇل كەزدەسۋگە ۆلاديمير نيكيتەنكو نەگىزگى قۇرامدى شىعارعان جوق. كوماندانىڭ نەگىزگى قۇرامى
ەۋروپا ليگاسىنىڭ ءۇشىنشى ىرىكتەۋ كەزەڭىنىڭ ەكىنشى ماتچىنا دايىندالۋدا. وسى تۋردا «استانا» ءوز الاڭىندا «توبىلدى» 2:1 ەسەبىمەن ۇتتى. نوسەرباەۆ پەن نۇرداۋلەتوۆتىڭ گولدارى ارقاسىندا «استانانىڭ» ءبىرىنشى اينالىمداعى سوققان دوپتارى سانى 35-كە جەتتى. قازىر ول وسى كەزەڭدە ەڭ كوپ سوققان كوماندا بولىپ وتىر. ال «اقتوبە» ەڭ از گول جىبەرگەن كوماندا. قازىرگە دەيىن سيدەلنيكوۆ بار-جوعى 12 گول جىبەرىپتى.
22 تۋردا «اتىراۋ» «تارازدى» 3:1 ەسەبىمەن جەڭدى. تالدىقورعاندا «جەتىسۋ» مەن الماتىنىڭ «قايراتى» 0:0 ەسەبىمەن تەڭ تارقاستى. پاۆلوداردا «ەرتىس» شىمكەنتتىڭ «ورداباسىسىن» 2:0 ەتىپ ۇتتى.
ەندى كوماندالار ەكىنشى كەزەڭدە 1-6 جانە 7-12 ورىندار العان كلۋبتار بولىپ ءبىر-بىرىمەن تاعى كەزدەسەدى. وسى كەزەڭدە العاشقى التىلىق ءوزارا جۇلدەلى ورىندارعا تالاسسا, جەتىدەن تومەن ورىن العاندار كەلەسى ماۋسىمدا پرەمەر-ليگادا قالۋ ءۇشىن كۇش سىناسادى. اشىعىن ايتۋ كەرەك, قازىر گوللانديالىق ارنو پايپەرس جاتتىقتىراتىن «تاراز» بەن «اقجايىقتىڭ» جاعدايى ءماز ەمەس. ولار 11 جانە 12 ورىنداردا تۇر.
تاعى ايتاتىن نارسە, ەكىنشى كەزەڭدە كوماندالاردىڭ ۇپايى ەكى ەسەگە قىسقارادى دا, ولار سول قالپىندا چەمپيوناتتى جالعاستىرادى. ماسەلەن, «اقتوبە» ءبىرىنشى كەزەڭدە 47 ۇپاي جينادى. ەكىنشى كەزەڭدە ۇپايى ەكى ەسە قىسقارادى دا, ءتۋرنيردى 24 ۇپايمەن باستايدى. ال 30 ۇپاي جيناعان «ورداباسىنىڭ» ۇپايى ەكى ەسە قىسقارعاندا, 15 بولادى. ءسويتىپ, ەكىنشى كەزەڭ 6 قاراشاعا دەيىن جالعاسادى. قازاقستان چەمپيونى كەلەسى جىلى ەل نامىسىن چەمپيوندار ليگاسىندا قورعايدى. ەكىنشى جانە ءۇشىنشى ورىن العان كوماندالار جانە ەل كۋبوگىن يەلەنگەن ۇجىم ەۋروپا ليگاسىندا ونەر كورسەتەدى. ال تۋرنير كەستەسىندە سوڭعى ورىن (12-ورىن) العان كوماندا بىردەن ءبىرىنشى ليگاعا كەتەدى. چەمپيوناتتى 11-ورىنمەن اياقتاعان ۇجىم پرەمەر-ليگاداعى ءوز ورنىن ساقتاپ قالۋ ءۇشىن ءبىرىنشى ليگادا ەكىنشى ورىن العان كوماندامەن ەلەكتىك كەزدەسۋ وتكىزەدى.
داستان كەنجالين,
«ەگەمەن قازاقستان».