ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ بيۋرو وتىرىسى ءوتىپ, الداعى جالپى وتىرىستىڭ كۇن ءتارتىبى ناقتىلاندى دەپ حابارلادى ءماجىلىستىڭ ءباسپاسوز قىزمەتى.
الداعى سارسەنبىدە ءماجىلىس دەپۋتاتتارى بىرقاتار راتيفيكاتسيالىق زاڭ جوباسىن تالقىلايدى دەپ كۇتىلۋدە.
اتاپ ايتار بولساق, دەپۋتاتتار نازارىنا دۇنيەجۇزىلىك پوشتا وداعىنىڭ جارعىسىنا توعىزىنشى قوسىمشا حاتتامانى راتيفيكاتسيالاۋ تۋرالى زاڭ جوباسى ۇسىنىلادى. حاتتامانىڭ ماقساتى – ساپالى, قولجەتىمدى, امبەباپ پوشتا قىزمەتتەرىن دامىتۋدى ىنتالاندىرۋعا مۇمكىندىك بەرەتىن اتالعان وداق شەڭبەرىندە حالىقارالىق پوشتا الماسۋ جانە حالىقارالىق پوشتا جونەلتىلىمدەرىنىڭ ءترانزيتىن قامتاماسىز ەتۋ بويىنشا قازاقستان قابىلداعان مىندەتتەمەلەردى ورىنداۋ.
سونداي-اق وسى كۇنى وزبەكستانمەن زاڭسىز كوشى-قونعا قارسى كۇرەستەگى ىنتىماقتاستىق تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسى قارالماق.
تاراپتار كەلىسىمگە سايكەس, ءوز مەملەكەتتەرىنىڭ زاڭناماسىنا جانە حالىقارالىق مىندەتتەمەلەرىنە سايكەس زاڭسىز كوشى-قونعا قارسى كۇرەستە ىنتىماقتاستىق جاسايدى.