پرەزيدەنت جانىنداعى ورتالىق كوممۋنيكاتسيالار قىزمەتىنىڭ الاڭىندا الەۋمەتتىك جەلىدە نۇر-سۇلتان قالاسىنىڭ ماڭىنداعى اۋىل-ايماقتارىندا قاسقىرلار تۋرالى تاراپ جاتقان اقپاراتقا بايلانىستى ءباسپاسوز كونفەرەنتسياسى ءوتتى.
«الەۋمەتتىك جەلىدە نۇر-سۇلتان قالاسىنىڭ ماڭىنداعى اۋىل-ايماقتاردا قاسقىرلار جۇرگەنى تۋرالى جالعان اقپاراتتار تاراپ جاتىر. دەگەنمەن ونداي جاعدايلار تىركەلگەن جوق» دەدى ورمان شارۋاشىلىعى جانە جانۋارلار دۇنيەسى كوميتەت توراعاسىنىڭ ورىنباسارى ناريمان ءجۇنىسوۆ.
قاسقىرلاردى كورگەن جاعدايدا قانداي ءىس-ارەكەت جاساۋ كەرەكتىگىن ايتىپ ءوتتى. «قاشپاۋ كەرەك, ايعايلاماعان ءجون. بارىنشا تىنىشتىق ساقتاپ, الىستاپ كەتۋگە تىرىسۋ كەرەك. قاسقىر كورگەن جاعدايدا قۇقىققورعاۋ ورگاندارىنا حابارلاسۋ كەرەك» دەدى ول.