19 قاڭتار كۇنى باحرەيننىڭ ماناما قالاسىندا شپاگامەن سەمسەرلەسۋدەن جاسوسپىرىمدەر اراسىنداعى الەم كۋبوگى ءوتتى. وعان قازاقستان كومانداسىنىڭ ءتورت سپورتشىسى قاتىستى. بۇل تۋرالى Olympic.kz حابارلادى.
جارىس قورىتىندىسى بويىنشا قازاقستاندىق الەكساندر ساۆين قولا جۇلدەگەر اتاندى. كيريلل پاۆلوۆ 8-ءشى, سۆياتوسلاۆ اكسەنوۆ 11-ءشى, يلحامجان اناركۋلوۆ 16-شى ورىنعا تابان تىرەدى.
التىن مەدال رەسەيلىك دميتري شۆەليدزەنىڭ ەنشىسىندە. كۇمىس مەدال يتاليالىق دجۋليو گاەتينيگە بۇيىرسا, ەكىنشى قولا جۇلدەنى رەسەي وكىلى ۆلاديمير تولاسوۆ يەلەنگەن. جارىسقا جالپى ەسەبى 61 سپورتشى قاتىستى.