مەملەكەت باسشىسى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەنيەتىنىڭ نەگىزى» اتتى جولداۋىنان تۋىنداعان مىندەتتەر ءبىرجان سال اۋدانىندا مىقتاپ جۇزەگە اسىرىلۋدا. اۋداننىڭ وتكەن جىلعى الەۋمەتتىك-ەكونوميكالىق دامۋ كورسەتكىشتەرى حالىقتىڭ بولاشاققا دەگەن سەنىمىن نىعايتا تۇسكەن.
ءوڭىردىڭ 2019 جىلعى الەۋمەتتىك-ەكونوميكالىق دامۋىن تارازى باسىنا تارتساڭىز, بارلىق سالالاردا ءبىرشاما ءوسىم بايقالادى. وتكەن جىلى اۋدان ءۇشىن ماڭىزدى وقيعالارعا تولى بولدى. «رۋحاني جاڭعىرۋ» باعدارلاماسى بويىنشا ايتا قالارلىقتاي شارالار جۇزەگە اسىرىلدى. اسىرەسە, اۋدانعا ەسىمى بەرىلگەن ءبىرجان سالدىڭ مەرەيتويىنا بايلانىستى ۇلتىمىزدىڭ رۋحاني الەمىنە وشپەس ۇلەس قوسار شىعارماشىلىعى جان-جاقتى ناسيحاتتالدى.
اۋداندا جۇمىسسىزدىق دەڭگەيى وتكەن جىلدارمەن سالىستىرعاندا ءبىرشاما تومەندەپ, الەۋمەتتىك نىساندار سالىنا باستادى. جۇمىسپەن ناتيجەلى قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» جاڭا باعدارلاماسى شەڭبەرىندە وتكەن جىلى قولداۋ شارالارىمەن 367 ادام قامتىلعان. اۋىلدىق ەلدى مەكەندەردى ساپالى اۋىز سۋمەن قامتاماسىز ەتۋ ماسەلەسى دە شەشىمىن تابۋدا. ساۋلە, قۇدىقاعاش جانە اقتاس اۋىلدارىنا سۋ قۇبىرىن تارتۋ جۇمىستارى باستالىپ كەتتى. ال, ماكينكا, بايمىرزا, ساۋلە, تاسشالقار, العا اۋىلدىق كلۋبتارى قالپىنا كەلتىرىلۋدە. «سىباعا», «التىن اسىق», «بيزنەستىڭ جول كارتاسى – 2020» جانە «جۇمىسپەن قامتۋدىڭ جول كارتاسى-2020» ءتارىزدى مەملەكەتتىك باعدارلامالار ويداعىداي جۇزەگە اسىرىلۋدا.