پارلامەنت سەناتىنىڭ دەپۋتاتى ولگا پەرەپەچينا سولتۇستىك قازاقستان وبلىسىنا جۇمىس بابىنداعى ساپار بارىسىندا قىزىلجار اۋدانىنداعى بىرنەشە اۋىلدىق ەلدى مەكەندەردە بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
سەناتوردىڭ جۇمىس ساپارى قىزىلجار اۋدانىنداعى بەسكول اۋىلىندا ورنالاسقان «رادۋگا» كاسىپورنىنان باستالدى. سەرىكتەستىكتە پوليەتيلەن پلەنكاسى تۇيىرشىكتەرگە اينالىپ, پلاستماسسالىق بۇيىمدارعا قايتا وڭدەلەدى. سەناتور ءوندىرىس تسەحتارىندا بولىپ, سەرىكتەستىك باسشىلىعىمەن جانە ۇجىممەن كەزدەستى, ولاردى تولعاندىرعان سۇراقتارعا جاۋاپ بەردى. دەپۋتات «كيپر» وقۋ ورتالىعىنا بولىپ, مەكەمە ۇجىمىمەن كەزدەستى جانە وقۋ پروتسەسىمەن تانىستى.
بەسكول ورتا مەكتەبىنىڭ حوككەي كورتىندا بولعان كەزدە سەناتور جاستار حوككەي كومانداسىنا سەرتيفيكات تابىس ەتتى.
سەناتور بەسكول ورتا مەكتەبىندە بەسكول اۋىلىنداعى مەكتەپ گيمنازيانىڭ ۇجىمدارىمەن كەزدەستى. كەزدەسۋگە ەلۋدەن استام مۇعالىم قاتىستى. و.پەرەپەچينا جۇزدەسۋ بارىسىندا مەملەكەت باسشىسى ق.توقاەۆتىڭ 2019 جىلعى 2 قىركۇيەكتە «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا جولداۋىندا ايتقان تاپسىرمالارىن ورىنداۋ تۋرالى, پارلامەنت سەناتىنىڭ 2019 جىلى اتقارعان جۇمىسىنىڭ قورىتىندىلارى مەن 2020 جىلعى 1 قاڭتاردان باستاپ كۇشىنە ەنگەن جاڭا زاڭدار تۋرالى حاباردار ەتتى. پەداگوگتاردىڭ ەڭبەكاقىسىن كوتەرۋ, پەداگوگيكالىق شەبەرلىگى ءۇشىن قوسىمشا اقى ەنگىزۋ, پەداگوگتاردى ولارعا ءتان ەمەس مىندەتتەردەن بوساتۋ مۇمكىندىگىن بەرەتىن «ۇستاز مارتەبەسى تۋرالى» جاڭا زاڭعا ەرەكشە كوڭىل ءبولىندى.
پارلامەنتشى سول كۇنى ارحانگەلسك اۋىلىنداعى «مەلنيچۋك ي ك», «ەلىم قىزىلجار» جانە «پەتەرفەلد اگرو» سەرىكتەستىكتەرى مەن قىزىلجار اۋدانىنىڭ پەتەرفەلد ورتا مەكتەبىندە بولدى. دەپۋتات جۇمىسشىلاردىڭ ۇسىنىستارى مەن پىكىرلەرىن تىڭدادى جانە كەيبىر ماسەلەلەر بويىنشا تۇسىنىكتەمە بەردى. اۋىل تۇرعىندارى كوپ جاعدايدا مىندەتتى الەۋمەتتىك مەديتسينالىق ساقتاندىرۋ, زەينەتاقى جانە ەڭبەكاقى ماسەلەلەرىنە نازار اۋداردى.
سەناتور ساپار سوڭىندا «Nur Otan» پارتياسىنىڭ بەسكول فيليالىنىڭ قوعامدىق قابىلداۋىندا اۋداندىق ءماسليحات دەپۋتاتتارىمەن جانە اۋىل تۇرعىندارىمەن كەزدەسۋلەر وتكىزدى. وندا تازارتۋ قۇرىلىسى كەشەنىن جاڭعىرتۋ مەن سالۋعا شەكتەۋلەردى الىپ تاستاۋعا جانە قارجى بولۋگە جاردەمدەسۋ, ەكولوگيانى قورعاۋ جانە ورماندى كەسۋ, ءدارى-دارمەككە جەڭىلدىك بەرۋ, ءبىلىم بەرۋ سالاسىنداعى سىبايلاس جەمقورلىق ماسەلەلەرى قوزعالدى. سەناتور ازاماتتاردى قابىلداۋ بارىسىندا قويىلعان بارلىق ماسەلەلەر بويىنشا تۇسىنىكتەمە بەردى, كەيبىر سۇراقتار جەكە باقىلاۋعا الىندى.