ءار ادامنىڭ ءدىني نانىم-سەنىم بوستاندىعىنا قۇرمەتپەن قاراۋ – پارىز. الايدا, سانانى ۋلاعان اعىمداردان ساقتاندىرۋ مەن قورعانۋ جۇمىسىن ۇنەمى جەتىلدىرىپ وتىرۋ جالپىنىڭ مىندەتى بولۋى كەرەك. اسىرەسە جاس ۇرپاق وكىلىنىڭ جات ءدىني اعىمداردىڭ ارباۋىنا تۇسپەۋى ءۇشىن مەملەكەتتىك قاتاڭ شارالار قابىلداۋعا مىندەتتى.
دەرەك بويىنشا, سوڭعى كەزدەرى تىيىم سالىنعان ءدىني اعىمدار عالامتور ارقىلى بەلسەندى جۇمىس ىستەي باستاعان. ياعني, ينتەرنەت كەڭىستىگىندەگى استىرتىن ارەكەتتىڭ كۇشەيۋى جاستار اراسىنداعى ءدىني اداسۋعا ۇرىنۋ قاۋىپىن دە تۋعىزۋدا. قۋانىشتىسى, ەلىمىزدە بۇل قاتەردىڭ الدىن الۋ جۇمىسى جولعا قويىلعان. بۇگىندە عالامتور جەلىسىندەگى تىيىم سالىنعان ءدىني يدەيالاردى تاراتۋشىلارمەن كۇرەس «Kazdream Media» مونيتورينگ جۇيەسى ارقىلى باقىلانادى ەكەن. ارنايى جۇيە بويىنشا ينتەرنەت كەڭىستىگىن ۇزدىكسىز زەردەلەپ, جالعان ءدىني اعىمداردى ناسيحاتتاۋشىلار مەن ۇستانۋشىلاردى دەر كەزىندە تانىپ, قاتەرلى ايماقتاردى دا انىقتاۋعا بولادى. مونيتورينگ ناتيجەسىز ەمەس. مىسالعا, وسى جۇيە ىسكە قوسىلعالى بەرى الماتى وبلىسىنىنىڭ اۋماعىندا ءداستۇرلى ەمەس ءدىني اعىمداردىڭ ۋاعىزىن تىڭداپ, تاراتۋعا ارەكەت جاساعان 45 141 عالامتور قولدانۋشى انىقتالعان. كۇدىكتى ينتەرنەت تۇتىنۋشىلاردىڭ ID مەكەنجايى انىقتالىپ, سول ارقىلى كۇدىككە ىلىنگەندەرمەن ءتۇسىندىرۋ جۇمىسىن جۇرگىزۋ ءۇشىن پوليتسيا مەن اۋدان, قالا اكىمدىكتەرى جۇمىس ىستەۋدە.
سونداي-اق, وبلىس اۋماعىندا ءبىر جىل بويى عالامتورعا جاسالعان زەردەلەۋ جۇمىستارى 2477 ءدىني ناسيحات كوزىن ساراپتاۋعا مۇمكىندىك بەرگەن. ونىڭ ىشىندە الەۋمەتتىك جەلىدەگى بىرلەستىكتەر, توپتار, ۆيدەوكانالدار, مەسسەندجەرلەر جانە سايتتارعا جاسالعان زەرتتەۋدەن كەيىن 564 ناسيحات كوزى قازاقستان رەسپۋبليكاسىنىڭ زاڭدارىنا سايكەس قاۋىپتى دەپ تابىلىپ, بۇعاتتالعان ەكەن.
ايتپاقشى, الماتى وبلىسى ءدىن ىستەرى باسقارماسىنىڭ دەرەگىنشە ايماقتا ميسسيونەرلىك قىزمەتپەن اينالىسۋ ءۇشىن 29 زاڭدى تۇلعاعا رۇقسات بەرىلگەن. ولاردىڭ جۇمىسى ەلىمىزدىڭ ء«دىني قىزمەت جانە ءدىني بىرلەستىكتەر تۋرالى» زاڭى نەگىزىندە قاداعالانىپ وتىر ەكەن. ال شەتەل ازاماتتارىنىڭ ميسسيونەرلىك قىزمەتى باسقارما تاراپىنان قاتاڭ باقىلاۋعا الىنعان.
دەرەككە سۇيەنسەك رەسمي تىركەلگەن 29 ميسسيونەردىڭ ىشىندە 19 زاڭدى تۇلعا كاتوليك ءدىنىن, 4 نىسان پروتەستانتتىق باعىتتى, 3 ءدىني بىرلەستىك يسلام ءدىنىن ۋاعىزداسا, تاعى 3 ءدىني قاۋىمداستىق ءداستۇرلى ەمەس ءدىني نانىمدى ۇستانۋشى, ياعني, كريشنا جولىنداعىلار ەكەن.
ونىڭ ىشىندە جەتىسۋداعى ءدىن تاراتۋ ءىسى جولىندا 9 مەملەكەتتەن كەلگەن شەتەلدىك وكىل تەر توگىپ ءجۇر. ولاردىڭ اراسىندا وڭتۇستىك كورەيادان كەلگەن 6 ءپىرادار, پولشالىق 6 ميسسيونەر, يسپانيالىق 5 ءدىندار, يتاليالىق 2 اۋليە, تۇركيالىق 2 موللا, رەسەيلىك 2 پوپ جانە مىسىردان – 1, امەريكادان – 1 ءدىن تاراتۋشى بار. تاعى 3 قازاقستاندىق تا وسى ءدىني اعارتۋشىلىق ميسسيا باعىتىندا قىزمەت كورسەتىپ ءجۇر ەكەن.
الماتى وبلىسى