وتكەن جىل ءان-جىردىڭ التىن بەسىگى اتانعان اقمولا ءوڭىرىنىڭ كوركەمونەرپازدارى ءۇشىن ءساتتى جىل بولدى. شىنايى شەبەرلىكتەرى, تابيعي تالانتتارىنىڭ ارقاسىندا توپ جارعان كەزەڭدەرى از ەمەس.
وبلىستىڭ كوركەمونەرپازدارى «كوكشەتاۋ», «دوستار» مادەنيەت سارايلارىنىڭ ۇجىمدارى «رۋحاني جاڭعىرۋ» باعدارلاماسىنىڭ «زاماناۋي قازاقستان جاھاندىق الەمدەگى» ارنايى جوباسى اياسىندا رەسەي فەدەراتسياسىنىڭ ماسكەۋ, سانكت-پەتەربۋرگ, سوچي قالالارىندا, وڭتۇستىك كورەيانىڭ سەۋل قالاسىندا, موڭعوليا, پولشا رەسپۋبليكاسىندا, تۇركيا رەسپۋبليكاسىنىڭ انتاليا قالاسىندا, گرۋزيا رەسپۋبليكاسىنىڭ باتۋمي قالاسىندا وتكەن حالىقارالىق فەستيۆالدار مەن بايقاۋلارىنا قاتىستى.
«پوليانكا» بالالار ۇلگىلى حورەوگرافيالىق ۇجىمى قازان قالاسىندا وتكەن «تانتسەمانيا» اتتى حورەوگرافيا ونەرىنىڭ حالىقارالىق بايقاۋىندا «حالىقتىق ستيليزاتسيا» جانە «ەسترادالىق بي» نوميناتسيالارىندا ءى دارەجەلى لاۋرەات ديپلومدارىمەن ماراپاتتالدى. سونىمەن قاتار, بۇل انسامبل بي مادەنيەتىنىڭ جوعارعى ورگانى CID — حالىقارالىق بي كەڭەسىنىڭ مۇشەسى تيتۋلىنا يە بولىپ, 2020 جىلدىڭ ماۋسىمىندا ماسكەۋ قالاسىندا كرەمل مەملەكەتتىك سارايىندا وتەتىن گران-پري كەزەڭدەرىنىڭ فينالىنا قاتىسۋعا شاقىرۋ الدى. سونداي-اق, نۇر-سۇلتان قالاسىندا وتكەن «قوس القا – 2019» رەسپۋبليكالىق تەلەۆيزيالىق بي بايقاۋىندا «شالقىما» حالىق بي ءانسامبلى گران-پري جۇلدەسىن ۇتىپ الدى.