كامەنكا سەلوسىنداعى №2 اگروتەحنيكالىق كوللەدجىنىڭ جىل وزعان سايىن ماتەريالدىق-تەحنيكالىق بازاسى نىعايىپ كەلەدى. سونىڭ ارقاسىندا اگرارلىق سالاعا ورتا بۋىن كادرلار دايىنداۋ ساپاسى جاقسارىپ كەلەدى.
بۇل ءبىلىم وشاعىنىڭ قوعامدىق تاماقتاندىرۋ بولىمىندە 60 ءبىلىم الۋشى وقىپ جاتىر. تاياۋدا بولاشاق اسپازدار ءۇشىن زاماناۋي وقۋ زەرتحاناسى پايدالانۋعا بەرىلدى.
– زاماناۋي وقۋ زەرتحاناسى تاماق ءپىسىرۋدىڭ سان الۋان قۇرال-جابدىقپەن قامتاماسىز ەتىلگەن. الدىن الا شيكىزات دايىنداپ, ونى لەزدە داستارحان مازىرىنە ۇسىنۋعا بولادى, – دەيدى وقۋ-وندىرىستىك شەبەرى لاريسا ماتريۋك.
كوللەدجدىڭ بولاشاق اسپازدارى وقۋ زەرتحاناسىندا بىرنەشە تاعام تۇرلەرىن دايىنداپ, دوستارىنا توسىن سىي جاسادى.
– مەن وسى كوللەدجدىڭ قوعامدىق تاماقتاندىرۋ بولىمىنە ءتۇستىم. قازىرگى كۇنى بۇل - وتە قاجەتتى ماماندىق. وقۋدى تاجىريبەمەن ۇشتاستىرىپ ءجۇرمىز. جاڭا وقۋ زەرتحاناسىنداعى تاماق ءپىسىرۋ قۇرالدارىن يگەرىپ الدىم, – دەيدى ستۋدەنت يرينا شەستەرنينا.
دۋالدى وقىتۋ جۇيەسىن جۇزەگە اسىرىپ جاتقان اگرارلىق سالانىڭ ورتا بۋىن ماماندارى وزىق تەحنالوگيالار ارقىلى بىلىمدەرىن جەتىلدىرە تۇسۋدە.
ساندىقتاۋ اۋدانى
اقمولا وبلىسى