قازاقستاندىق اۋە كومپانيالارعا يراننىڭ اۋە كەڭىستىگى ارقىلى ۇشدان باس تارتۋ ۇسىنىلدى. قازاقستاندىق اۋە كومپانيالار قالىپتاسقان جاعدايعا بايلانىستى كورسەتىلگەن ۇشۋلاردى ءتيىستى ەلدەردىڭ ناۆيگاتسيالىق قىزمەتتەرىنىڭ كەلىسىمى بويىنشا يران اۋە كەڭىستىگىنە بالامالى اۋە جولدارى ارقىلى ورىنداۋ ماسەلەسىن پىسىقتاۋدا. بۇل تۋرالى يندۋستريا جانە ينفراقۇرىلىمدىق دامۋ مينيسترلىگى حابارلادى.
قازىرگى ۋاقىتتا يراننىڭ اۋە كەڭىستىگى ارقىلى ەكى قازاقستاندىق اۋە تاسىمالداۋشى Air Astana جانە SCAT تۇراقتى رەيستەردى ورىندايدى.
Air Astana اۋە كومپانياسى يران اۋە كەڭىستىگى ارقىلى نۇر-سۇلتان – دۋباي (اپتاسىنا 5 رەت) جانە الماتى – دۋباي (اپتاسىنا 10 رەت) باعىتتارى بويىنشا ۇشۋلاردى ورىندايدى.
SCAT اۋە كومپانياسى يران اۋە كەڭىستىگى ارقىلى الماتىدان مەدينا مەن جيددəعا (اپتاسىنا ءبىر رەت) ەكى تۇراقتى رەيستى جانە الماتى - شارم ەل-شەيح جانە شىمكەنت – شارم ەل-شەيح باعىتتارى بويىنشا ەكى تۇراقتى ەمەس رەيستى ورىندايدى.
سونىمەن قاتار, ءباا اۋە كومپانيالارى Fly Dubai – (دۋباي – نۇر-Cۇلتان - اپتاسىنا 5 رەيس, دۋباي – الماتى - اپتاسىنا 7 رەيس), Etihad (ابۋ-دابي – نۇر-سۇلتان - اپتاسىنا 2 رەيس) Air Arabia (شاردجا – الماتى- اپتاسىنا 5 رەيس) يراننىڭ اۋە كەڭىستىگى ارقىلى قازاقستانعا تۇراقتى ۇشۋلاردى (بارلىعى اپتاسىنا 19 رەيس) ورىندايدى. Mahan Air يراندىق اۋە كومپانياسى تەگەران – الماتى باعىتى بويىنشا تۇراقتى تۇردە ۇشادى.