2019 جىلى وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعىنا رەسپۋبليكالىق جانە وبلىستىق بيۋدجەتتەن 32,7 ميلليارد تەڭگە ءبولىندى. 16 باعدارلاما بويىنشا 86 جوبا جۇزەگە اسىرىلدى. «اۋىل – ەل بەسىگى» جوباسىنا 454,2 ميلليون تەڭگە ءبولىندى. زەرەندى مەن استراحان سەلولارىنىڭ بۋ قازاندىعى قالپىنا كەلتىرىلدى.
ارشالى كەنتىندە بۋ قازاندىعى مەن جىلۋ جۇيەسىنىڭ قۇرىلىسى باستالدى. سونداي-اق, قىسقا دايىندىق كەزىندە 75,1 شاقىرىم جىلۋ جۇيەسى جوندەلدى. اقمولا وبلىسىندا 616 ەلدى مەكەننىڭ 372-ءسى ورتالىقتاندىرعان سۋمەن قامتاماسىز ەتىلگەن. 20 ەلدى مەكەن اۋىز سۋدى تاسىمالداپ ىشەدى.
2019 جىلى «اۋىل – ەل بەسىگى» جوباسىن جۇزەگە اسىرۋعا 158,3 ميلليون تەڭگە ءبولىندى. قالالار اۋماعىن دامىتۋ باعدارلاماسى بويىنشا جىبەك جولى مەن قوسشى سەلولارىنا سۋ قۇبىرى جۇيەسىن جوندەۋگە قوماقتى قارجى ءبولىندى. سەلولاردى سۋمەن قامتاماسىز ەتۋگە 5,9 ميلليارد تەڭگە, ششۋچينسك-بۋراباي كۋرورتتى اۋماعىن دامىتۋعا 4,1 ميلليارد تەڭگە, «نۇرلى جول» باعدارلاماسى بويىنشا ستەپنوگورسك قالاسىنىڭ سۋ قۇبىرى جۇيەسىن جوندەۋگە 4,4 ميلليارد تەڭگە باعىتتالىپ وتىر.
وتكەن جىلى قوسشى كەنتىنىڭ سۋ قۇبىرى جۇيەسىن شەڭبەرلەندىرۋ جوباسى ىسكە قوسىلدى. ششۋچينسك-بۋراباي كۋرورتتى اۋماعىن دامىتۋدىڭ ەكى جوباسىن, ارشالى كەنتىندەگى سۋ قۇبىرى جۇيەسىنىڭ 9 جوباسىن ىسكە قوسۋ جوسپارلانۋدا. وزگە جوبالار 2020 جىلى جۇزەگە اسىرىلادى. ەلدى مەكەندەردى سۋمەن قامتاماسىز ەتۋ بويىنشا وبلىستىڭ 13 ەلدى مەكەنىندە 194 ميلليون تەڭگەنىڭ ىزدەۋ-بارلاۋ جۇمىسى جۇرگىزىلدى. بيىلعى جىلى پايدالانۋعا بەرىلگەن 13 نىساننىڭ ەسەبىنەن 52 556 ادام ساپالى سۋمەن قامتاماسىز ەتىلدى.
2019 جىلى جىلۋ ەنەرگەتيكالىق جۇيەسىن دامىتۋعا 251,2 ميلليون تەڭگە ءبولىنىپ, نۇرەسىل سەلوسى, 96 رازەزد بەن ششۋچينسك قالاسىنىڭ ەلەكتر جۇيەسى جوندەلدى. ماكينسك قۇس فابريكاسىنىڭ ەلەكتر جۇيەسى قۇرىلىسىنا قوماقتى قارجى ءبولىندى. ءسويتىپ, 10 جوبانى جۇزەگە اسىرۋعا 2,4 ميلليارد تەڭگە ءبولىندى. تسەلينوگراد اۋدانىنىڭ نۇرەسىل اۋىلىنىڭ تۇرعىندارى ەلەكتر جارىعىمەن, ششۋچينسك قالاسىنىڭ 8 كوشەسى كوشە جارىعىمەن قامتاماسىز ەتىلدى.
«سارىارقا» ماگيسترالدىق گاز قۇبىرىنىڭ قۇرىلىسىنا وبلىستىق بيۋدجەت ەسەبىنەن 168,1 ميلليون تەڭگە ءبولىنىپ, ارشالى مەن تسەلينوگراد اۋداندارىنىڭ 17 ەلدى مەكەنىنە جوبالىق-سمەتالىق قۇجات جاساۋ بويىنشا 13 جوبا جۇزەگە اسىرىلدى. بۇگىنگى كۇنى 8 جوبانىڭ مەملەكەتتىك ساراپتاماسىنىڭ وڭ قورىتىندىسى الىندى. 5 جوبانىڭ قۇجاتى مەملەكەتتىك ساراپتامادا جاتىر. ءتورت جوبانىڭ قۇرىلىس-مونتاج جۇمىسىنا كونكۋرس جاريالاندى. 2020 جىلى 7 ەلدى مەكەندە گاز قۇبىرى جۇيەسىنىڭ قۇرىلىسى باستالادى. بۇل ارشالى مەن تسەلينوگراد اۋداندارىنىڭ 10500 تۇتىنۋشىسىن تابيعي گازبەن قامتاماسىز ەتۋگە مۇمكىندىك بەرەدى.
اقمولا وبلىسى