قاراعاندى وبلىسىنا جۇمىس ساپارىمەن ءماجىلىس دەپۋتاتتارى نۇرلان ءابدىروۆ, اسقار بازارباەۆ, گۇلنار بيجانوۆا, نۇرلان دۋلاتبەكوۆ, ارمان قوجاحمەتوۆ جانە شاكىر حاحازوۆ كەلدى, دەپ حابارلادى وبلىس اكىمىنىڭ ءباسپاسوز قىزمەتى.
دەپۋتاتتار وبلىس اكىمى جەڭىس قاسىمبەكپەن كەزدەسىپ, ءوڭىردىڭ وزەكتى دەگەن ماسەلەلەرىن تالقىلادى.
– قاراعاندىدا ءبىز ارداگەرلەرمەن, ساياجاي قوعامداستىقتارىنىڭ وكىلدەرىمەن كەزدەستىك. پوليتسيا دەپارتامەنتىندە كەزدەسۋ وتكىزدىك, – دەدى ءماجىلىس دەپۋتاتى نۇرلان ءابدىروۆ.
سونىمەن قاتار, حالىق قالاۋلىسى قر قىلمىستىق كودەكسىندەگى وزگەرىستەر تۋرالى حابارلادى. ماسەلەن, مال ۇرلىعى ءۇشىن جازالاۋدى جەكە باپ بويىنشا بەلگىلەۋ جوسپارلانىپ وتىرعانىن اتاپ ءوتتى. سونداي-اق, ماس كۇيىندە كولىك جۇرگىزگەنى ءۇشىن جازانى قاتاڭداتۋ تۋرالى ايتىلدى. ەندى مۇنداي قۇقىقبۇزۋشىلىق ءۇشىن جۇرگىزۋشىلەر باس بوستاندىعىنان دا ايىرىلۋى مۇمكىن.
ءماجىلىس دەپۋتاتتارى وبلىستا تاعى بىرنەشە كۇن بولادى. ولار مەملەكەتتىك مەكەمەلەر مەن كاسىپورىنداردىڭ جۇمىسشىلارىمەن كەزدەسىپ, زاڭناماعا ەنگىزىلگەن وزگەرىستەردى ءتۇسىندىرىپ, وبلىس تۇرعىندارىنىڭ سۇراقتارىنا جاۋاپ بەرەدى.