اقپارات جانە قوعامدىق دامۋ ءمينيسترى داۋرەن اباەۆ پراۆوسلاۆ حريستيانداردى روجدەستۆو مەرەكەسىمەن قۇتتىقتادى.
«بۇگىن بۇكىل پراۆوسلاۆ الەمى حريستيانداردىڭ باستى مەرەكەلەرىنىڭ ءبىرى – يسا پايعامباردىڭ تۋعان كۇنىن تويلايدى. تاريحي پراۆوسلاۆ داستۇرلەرى الەمدەگى حالىقتاردى بىرىكتىرىپ, ەلدەردە بىرلىك پەن كەلىسىمنىڭ نىعايۋىنا سەپتىگىن تيگىزەدى. ءدال وسى جارقىن ءارى مەيىرىمدى مەرەكەدە جاقسىلىق پەن مەيىرىمدىلىكتىڭ ماڭگىلىك قۇندىلىقتارى, كىشىنىڭ ۇلكەنگە دەگەن قۇرمەتى ۇلىقتالادى. ءوزىنىڭ تەرەڭ ماڭىزىمەن بۇل مەرەكە قازاقستاندىقتاردى بىرىكتىرە ءتۇسىپ, ءبىزدىڭ ەلدەگى بىرلىك پەن كونفەسسياارالىق كەلىسىمدى ساقتاۋعا ايتارلىقتاي ۇلەس قوسادى. قازاقستاندىقتار ءدىني سەنىمىنە قاراماستان, ءاردايىم ءبىر-ءبىرىن ماڭىزدى ءدىني مەرەكەلەردە قۇتتىقتاپ كەلەدى. وسىناۋ مەرەكە جىلۋ مەن ماحابات, دوستىق سىيلاسىن. بارشاڭىزعا جاقسىلىق پەن جارقىن بولاشاق تىلەيمىن», دەدى داۋرەن اباەۆ.