ءتورت جانە ودان كوپ بىرگە تۇراتىن كامەلەتكە تولماعان بالالارى بار كوپبالالى وتباسىلارعا مەملەكەتتىك جاردەماقى تولەۋگە 2020 جىلعى قاڭتاردا 17,7 ملرد تەڭگە كوزدەلگەن. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
زەينەتاقى مەن جاردەماقىلاردى قارجىلاندىرۋدى ەكىنشى دەڭگەيدەگى بانكتەردە بىركەلكى ءبولۋ ءۇشىن اقشا قاراجاتىن اۋدارۋ كەزەڭ-كەزەڭىمەن جۇزەگە اسىرىلاتىن بولادى.
2020 جىلعى 5 قاڭتاردا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-عا 12,5 ملرد تەڭگە. 5-8 قاڭتار ارالىعىندا «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق كەستەگە سايكەس اقشانى الۋشىلاردىڭ شوتتارىنا اۋدارادى.
قالعان 5,2 ملرد تەڭگە «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق-عا تاياۋ كۇندەرى جىبەرىلەدى.
ەستەرىڭىزگە سالا كەتەيىك, 2020 جىلعى 1 قاڭتاردان باستاپ 4 جانە ودان دا كوپ كامەلەتكە تولماعان بالالارى بار نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنتتەرى بار وتباسىلارعا جاڭا مەملەكەتتىك جاردەماقى ەنگىزىلدى. اتالعان مەملەكەتتىك جاردەماقى وتباسىنىڭ تابىسىنا قاراماستان سارالانعان مولشەردە: 4 بالاعا – 42 496 تەڭگە; 5 بالاعا – 53 127 تەڭگە; 6 بالاعا – 63 757 تەڭگە; 7 جانە ودان دا كوپ بالاعا – 74 388 تەڭگە تولەنەدى.
جالپى العاندا, 2020 جىلى كوپبالالى وتباسىلارعا مەملەكەتتىك جاردەماقى تولەۋگە 177,6 ملرد تەڭگە كوزدەلگەن. بۇل جاردەماقىنى 346,8 مىڭ وتباسى الاتىن بولادى.