بۇگىننەن باستاپ ەلوردادا حالىقتى اتاۋلى الەۋمەتتىك كومەكپەن بارىنشا قامتۋ ماقساتىندا ازاماتتاردىڭ وتىنىشتەرىن قابىلداۋ باستالدى. بۇل تۋرالى قالا اكىمدىگىنىڭ رەسمي سايتى حابارلادى.
قۇجاتتاردى قابىلداۋ الماتى, بايقوڭىر, ەسىل, سارىارقا اۋداندارىنىڭ اكىمدىكتەرىندە, حالىقتى جۇمىسپەن قامتۋ ورتالىعىندا, «جانۇيا» وتباسىن ينستيتۋتىن قولداۋ ورتالىعىندا ىسكە اسادى.
ساپالى كوزقاراستى قامتاماسىز ەتۋ ماقساتىندا ازاماتتاردى قابىلداۋ الفاۆيتتىك تارتىپتە وتۋدە. سونداي-اق, اتاۋلى الەۋمەتتىك كومەك ءوتىنىش بەرىلگەن ايىنان باستاپ, ءوتىنىش بەرىلگەن كۇنىنە قاراماستان تاعايىندالاتىندىعىن اتاپ وتكەن ءجون. ياعني, ءوتىنىش 20 قاڭتاردا نەمەسە ايدىڭ سوڭعى كۇنىندە تاپسىرىلسا, وندا تولەم تولىق اي بويى تولەنەدى.
قۇجات تاپسىرۋشى ازاماتتار ءوتىنىش, سايكەستەندىرۋ ءۇشىن جەكە كۋالىكتى ۇسىنۋ قاجەت. سونداي-اق ااك-ءتى تاعايىنداۋ ءۇشىن تۇرعىلىقتى جەرىڭىزدە تۇراقتى نەمەسە كەمىندە 6 اي ۋاقىتشا تىركەۋ بولۋ كەرەك.
ەستەرىڭىزگە سالساق, اتاۋلى الەۋمەتتىك كومەكتىڭ مولشەرى بۇرىنعىداي وتباسىنىڭ جان باسىنا شاققانداعى ورتاشا كىرىسى مەن وتباسىنىڭ ءار مۇشەسى ءۇشىن كۇنكورىس دەڭگەيىنىڭ (كد) 70% اراسىنداعى ايىرماشىلىقتى قۇرايدى (2020 جىلدىڭ 1-ءشى توقسانىنا كد – 34 654 تەڭگە, كەدەيلىك شەگى – 22 258 تەڭگە).